Join with Health.com.kh on Telegram

​រឿងនេះ បើ​យើង​វិភាគ​មើលទៅ​ឃើញថា រសជាតិ​ដ៏​ផ្អែម​ឆ្ងាញ់ របស់​ផ្លែ​ល្មុត គឺ​ត្រូវ​ចិត្ត​របស់​មនុស្ស​គ្រប់​វ័យ​តែម្តង​។ វា​អាច​ប្រើ​ជា​បង្អែម​ដ៏​ល្អ​បំផុត សម្រាប់​មនុស្ស​យើង​។ ដូច្នេះ តើ​អ្នក​មាន​ដឹង​ទេ​ថា វា​មាន​ប្រយោជន៍​បែប​ណាខ្លះ ចំពោះ​សុខភាព​មនុស្ស​យើង​ដែរ​ទេ​?

ជា​ថ្នាំ​ងងុយគេង​ធម្មជាតិ​
ផ្លែ​ល្មុត ត្រូវបាន​ចាត់ទុក​ថា ជា​ថ្នាំ​ងងុយគេង​ធម្មជាតិ និង​ត្រូវបាន​គេ​ប្រើ ដើម្បី​បំបាត់​ស្ត្រេ​ស និង​បន្ធូរ​សរសៃប្រសាទ​។ ជា​ញឹកញាប់ អ្នក​ដែល​ឧស្សាហ៍​ខ្លាច​ខុស​ធម្មតា និង​គេង​មិន​លក់ តែងតែ​ត្រូវបាន​គ្រូពេទ្យ ណែនាំ​ឲ្យ​ញ៉ាំ​ផ្លែ​ល្មុត​នេះ​តែម្តង​។ វា​ក៏​ត្រូវបាន​គេ​ចាត់ទុកថា ជា​ថ្នាំ​ប្រឆាំង​ការបាក់​ទឹកចិត្ត ដ៏​ល្អ​បំផុត​ដែរ​។

ប្រភព​ដ៏​ល្អ​នៃ​ជាតិ​រ៉ែ​
ល្មុត​ទំ និង​ស្រស់ សុទ្ធតែ​ជា​ប្រភព​ដ៏​ល្អ​មួយ នៃ​ជាតិ​រ៉ែ​ដូចជា ទង់​ដែង ប៉ូ​តា​ស្យូម និង​ដែក​។ វា​ក៏​មាន​វីតាមីន​ច្រើន​ដែរ​ដូចជា Niacin, Folate និង Pantothenic Acid​។ សារធាតុ​ទាំងនេះ មាន​សារៈសំខាន់​ណាស់ សម្រាប់​សុខភាព ព្រោះ​វា​នឹងចូលរួម ក្នុង​ដំណើរការ​រំលាយ​អាហារ ក្នុងនាម​ជា Co-factors សម្រាប់​ជំនួយ​ដល់​អង់ស៊ីម​។

ជា​ប្រភព​ដ៏​ល្អ នៃ​ជាតិ​សរសៃ​
ផ្លែ​ល្មុត ជា​ប្រភព​ដ៏​ល្អ​មួយ នៃ​ជាតិ​សរសៃ ដែល​មាន​ហូ​តដល់ ៥,៦ ក្រាម​ឯណោះ ក្នុង​ចំនួន​ល្មុត ១០០​ក្រាម ដូច្នេះ វា​ពិតជា​ដើរ​នាទី​ដ៏​ល្អ​មួយ សម្រាប់​បន្ទន់​លាមក​។ ជាតិ​សរសៃ នឹង​ជួយ​បំបាត់​ការ​ទល់លាមក និង​ការពារ​ស្រទាប់​របស់​ពោះវៀន ពី​ជាតិពុល​បង្ក​មហារីក​បាន​។

សម្បូរ​អង់​ទី​អុក​ស៊ីដង់​
ផ្លែ​ល្មុត ផ្ទុក​ទៅដោយ​អង់​ទី​អុក​ស៊ីដង់ Poly-phenolic មួយ​ប្រភេទ​ឈ្មោះថា Tannins ដែល​ត្រូវបាន​គេ​ដ​ដឹងថា មាន​នាទី​ជួយ​ប្រឆាំងនឹង​បាក់តេរី វីរុស ប៉ា​រ៉ា​សិត និង​ការ​រលាក​បាន​យ៉ាង​ល្អ​។ វា​ក៏​មាន​ប្រយោជន៍ ក្នុងការ​ឃាត់ឈាម និង​ព្យាបាល​ជំងឺ​ឬ​ស​ដូង​បាត​ដែរ​។ ចំណែកឯ​ឥទ្ធិពល ប្រឆាំង​ការ​រលាក​របស់ Tannins វិញ នឹង​ជួយ​កាត់បន្ថយ បញ្ហា​ជាច្រើន ដូចជា រលាក​បំពង់​លើ​ក្រពះ ដោយ​ការ​ច្រាល​ទឹក​អាស៊ី​ត​ពី​ក្រពះ រលាក​ក្រពះ រលាក​ពោះវៀន​ជាដើម​។ ផ្លែឈើ​មួយ​ចំនួន ដែល​សម្បូរ​សារធាតុ Tannins រួមមាន ផ្លែ​ទន្លាប់ ទ​ទឹម និង​ទំពាំងបាយជូរ​ជាដើម​។

ផ្តល់​កម្លាំង​បែប​ធម្មជាតិ​
ផ្លែ​ល្មុត មាន​ជាតិ​ស្ករ​ប្រភេទ Sucrose និង Fructose ដែល​វា​ទាំងពីរ​នេះ សុទ្ធតែ​ជួយ​សាងសង់ ភាព​ថ្មី​ឡើង​វិញ​ដល់​រាងកាយ ជាមួយនឹង​ថាមពល​បែប​ធម្មជាតិ​តែ​ម្តង​។

វីតាមីន
ផ្លែ​ល្មុត មាន​អង់​ទី​អុកស៊ី​ដង់​ល្អៗ​មួយចំនួន ដូចជា វីតាមីន A និង C​។ វីតាមីន A ល្អ ចំពោះ​សុខភាព​ភ្នែក ហើយក៏​អាច​ជួយ​ថែរក្សា​សុខភាព​ស្បែក និង​ភ្នាស​រំអិល​របស់​ស្បែក​បានដែរ​។

ការ​ញ៉ាំ​ផ្លែឈើ​ធម្មជាតិ ដែល​មាន​វីតាមីន A និង​ផ្តល់​ការការពារ មិន​ឲ្យ​កើត​ជំងឺ​មហារីក​មាត់ និង​សួត​ទៀត​។ ម្យ៉ាងវិញទៀត ការ​ញ៉ាំ​អាហារ​សម្បូរ​វីតាមីន C នឹង​ជួយ​រាងកាយ បង្កើត​ភាពស៊ាំ​នឹង​ការបង្ក​រោគ និង​ជួយ​លុបបំបាត់ រ៉ាឌីកាល់​សេរី​ពី​ក្នុង​ខ្លួន​ទៀត​ផង​៕