សម្រាប់រដូវក្តៅ វាតែងតែមានឱកាស បង្ករោគនៅក្រពះច្រើន ដូច្នេះ វានឹងបង្កជាការរាករូស។ វាក៏អាចក្លាយជា សុបិន្តអាក្រក់បំផុតមួយដែរ ជាពិសេស បើសិនជាអ្នក កំពុងតែធ្វើដំណើរ ទៅកន្លែងណាមួយ។ ដូច្នេះ ខ្ញុំសូមណែនាំ នូវអាហារមួយចំនួន ដែលអ្នកគួរតែទទួលទាន បើសិនជាអ្នក ចង់ឲ្យអាការៈរាករូសនេះ ស្រាកស្រាន្តទៅវិញលឿន។
ទឹកដូង
ទឹកដូង ផ្ទុកទៅដោយអេឡិចត្រូលីត្រជាច្រើន ដែលអាចជួយរក្សាជាតិទឹក ក្នុងខ្លួនបានគ្រប់គ្រាន់នៅពេលរាករូស។ វាក៏សម្បូរជាតិប៉ូតាស្យូម ដែលអាចជួយសម្រួល បញ្ហាក្រពះបាន តាមរយៈការបន្ថយកម្រិតអាស៊ីត។
យ៉ាអួរ
យ៉ាអួរ គឺជាមធ្យោបាយដ៏ល្អបំផុត ដើម្បីសម្រួលដល់ភ្នាស កម្រាលរបស់ក្រពះ តាមរយៈផ្តល់ភាពត្រជាក់តែម្តង។ យ៉ាងណាមិញ យ៉ាអួរ ក៏ផ្ទុកទៅដោយបាក់តេរីល្អៗ ឬប្រូបាយអូទិច ដែលអាចជួយដល់ការរំលាយអាហារ និងបន្ថយអាស៊ីត ដែលបង្កឡើងដោយបាក់តេរីដែរ។
ក្រូច
ផ្លែក្រូច សម្បូរជាតិសរសៃ និងជួយដល់ការរំលាយអាហារទៀត ប៉ុន្តែ អ្វីដែលធ្វើឲ្យវាស័ក្តិសម សម្រាប់អ្នករាករូសនោះ គឺថា វាមានឥទ្ធិពល បន្ថយបញ្ហានៅលើក្រពះបានយ៉ាងអស្ចារ្យ៕
រាករូសអញ្ជឹង គួរញ៉ាំអាហារអ្វីទៅ ទើបឆាប់ជាវិញ?
