Join with Health.com.kh on Telegram

រាជធានី​ភ្នំពេញ ៖ សម្តេច​អគ្គមហាសេនាបតី​តេ​ជោ ហ៊ុន សែន បាន​ទិញ​ឧ​ត្ធ​ម្ភា​គ​ចក្រ Mi-17 ចំនួន​៣​គ្រឿង ដើម្បី​បំពាក់​ជូន​ដល់​កង​យោធពលខេមរភូមិន្ទ ។ នេះបើយាងតាមកងយោធពលខេមរភូមិន្ទ បានបង្ហោះ ។

នាយ​ឧត្ដមសេនីយ៍ វង្ស ពិ​សេន អគ្គមេបញ្ជាការ​នៃ​កង​យោធពលខេមរភូមិន្ទ នៅ​ថ្ងៃ​ទី​១២ ខែសីហា ឆ្នាំ​២០២១​នេះ បាន​ចុះ​ទៅ​ត្រួតពិនិត្យ​ឧ​ត្ធ​ម្ភា​គ​ចក្រ Mi-17 ចំនួន​៣​គ្រឿង ដែល​សម្ដេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា ទើបតែ​បាន​ទិញ ដើម្បី​បំពាក់​ជូន​ដល់​កង​យោធពលខេមរភូមិន្ទ ។

ក្នុង​ឱកាស​នោះ​ដែរ នាយ​ឧត្ដមសេនីយ៍ អគ្គមេបញ្ជាការ បាន​ណែនាំ​ដល់​អស់លោក​នាយទាហាន​នៅ​ទ័ពអាកាស​ឱ្យ​យកចិត្តទុកដាក់​ក្នុង​ការ​ប្រើប្រាស់ និង​ថែទាំ​ឱ្យ​បាន​ល្អ​ត្រឹមត្រូវ​តាម​បច្ចេកទេស ។

នាយ​ឧត្ដមសេនីយ៍ អគ្គមេបញ្ជាការ សូម​គោរព​ថ្លែងអំណរគុណ​ចំពោះ​សម្ដេច​តេ​ជោ នាយក​រដ្ឋមន្ត្រី​នៃ​កម្ពុជា​ដែល​បាន​បំពាក់​ឧ​ត្ធ​ម្ភា​គ​ចក្រ​ជូន​ដល់​កង​យោធពលខេមរភូមិន្ទ ដើម្បី​បម្រើ​ក្នុង​កិច្ច​ប្រតិបត្តិការ​បាន​លឿន​ទាន់​ពេលវេលា ៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង