Join with Health.com.kh on Telegram

​ខ្ទឹមបារាំង​ក្រហម​ផ្ទុក​ទៅ​ដោយ​សារធាតុ​ស្ពាន់ធ័រ​ជាច្រើន​ដែល​អាច​ផ្តល់​ជា​រស់ជាតិ​ខ្លាំង​ដល់​បន្លែ​មួយ​ប្រភេទ​នេះ​។ យ៉ាងណាមិញ ខ្ទឹមបារាំង​នេះ​មាន​អត្ថប្រយោជន៍​ចំពោះ​សុខភាព​មនុស្ស​យើង​ច្រើន​ណាស់​។


​ការពារ​ជំងឺមហារីក​
​ខ្ទឹមបារាំង​អាច​កាត់បន្ថយ​ការ​ប្រឈម​នឹង​ជំងឺ​មហារីក​បាន​ច្រើន​ប្រភេទ​ដូចជា មហារីក​ពោះវៀនធំ និង​មហារីក​បំពង់​សម្លេង​ជាដើម​។ បើសិន​ជា​អ្នក​ចង់​ទទួល​បាន​ប្រយោជន៍​ទាំង​អស់​ពី​ខ្ទឹមបារាំង​នោះ ចូរ​ប្រាកដថា អ្នក​បាន​ញ៉ាំ​ខ្ទឹមបារាំង​គ្រប់​ពេល​ដែល​ញ៉ាំ​អាហារ​។

​ជំងឺ​បេះដូង​សរសៃឈាម​
​ខ្ទឹមបារាំង​ជា​បន្លែ​ដ៏​ល្អ​បំផុត​មួយ​ដែល​អាច​បង្ការ​ជំងឺ​គាំងបេះដូង​បាន ព្រោះ​វា​ផ្ទុក​សារធាតុ Flavonoids​។ តាមន័យ​វិទ្យាសាស្ត្រ​បង្ហាញថា ខ្ទឹម​បាំង​មាន​សមត្ថភាព​សម្អាត​កំណក​ដែល​មាន​ក្នុង​សរសៃឈាម​ដោយសារ​ជាតិ​ខ្លាញ់ ឬ​ប្លាកែ​ត​។ បន្លែ​នេះ​ក៏​ក្នុង​ការបញ្ចុះ​កូ​ឡេ​ស្តេ​រ៉ុល​អាក្រក់ និង​ខ្លាញ់ Triglycerides ដែរ​។

​ឆ្អឹង​
​ការស្រាវជ្រាវ​ជា​ច្រើន​បានបង្ហាញ​ថា ខ្ទឹមបារាំង​ល្អ​បំផុត​ក្នុង​ការពង្រឹង​ដល់​គុណភាព​ឆ្អឹង និង​រចនាសម្ព័ន្ធ​រប​ស់វា ជាពិសេស​មនុស្ស​ស្រី​ដែល​រ៉ាំ​ង​រដូវ​តែម្តង ព្រោះ​ឆ្អឹង​របស់​ពួកគេ​នឹង​ចាប់ផ្តើម​ខ្សោយ​ក្នុងដំណាក់កាល​នេះ​។ ស្ត្រី​ដែល​ញ៉ាំ​ខ្ទឹមបារាំង​ជា​ទៀងទាត់​នឹង​អាច​កាត់បន្ថយ​ការ​ប្រឈម​នឹង​ការបាក់​ឆ្អឹងសន្លាក់​ត្រគៀក​បាន​។

​ស្ករ និង​ការបង្ក​រោគ​
​ខ្ទឹមបារាំង​ជា​បន្លែ​មួយ​ប្រភេទ​ដែល​ល្អ​បំផុត​ក្នុង​ការបង្ការ​ការបង្ក​រោគ​ដោយ​បាក់តេរី ហើយ​វា​ក៏​ល្អ​ក្នុង​ការសម្រួល​ដល់​ជាតិ​ស្ករ​ក្នុង​ឈាម​ដែរ​។

​ប្រឆាំង​ការ​រលាក​
​អង់​ទី​អុកស៊ី​ដង់​របស់​ខ្ទឹម​បារាំង​មាន​សមត្ថភាព​ប្រឆាំង​នឹង​ការ​រលាក​យ៉ាង​អស្ចារ្យ តាមរយៈ​ការបង្ការ​ការធ្វើ​អុកស៊ីតកម្ម​របស់​អាស៊ី​ត​ខ្លាញ់​ក្នុង​រាងកាយ​។

​ចំណាំ​៖
​បើសិន​ជា​អ្នក​ទុក​ខ្ទឹមបារាំង​ដែល​ចិត​ហើយ​ចោល​លើស​ពី​ពីរ​ម៉ោង​នោះ ឬ​ចំអិន​លើស​១០​នាទី វា​នឹង​បាត់បង់​សមត្ថភាព​ប្រឆាំង​នឹង​បាក់តេរី​ហើយ​។ ហេតុដូច្នេះ​ហើយ អ្នក​គួរតែ​ញ៉ាំ​ខ្ទឹមបារាំង​ទាំង​ស្រស់​ទើប​មាន​ប្រយោជន៍​ច្រើន​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង