ខណៈពេលដែលមានអាហារមួយចំនួន ដែលអាចជួយបំបាត់អាការៈក្អកបាននោះ តែអ្នកក៏គួរដឹងអំពីអាហារ ដែលគួរចៀសវាងនៅពេលកំពុងតែក្អកដែរ។ អាហារទាំងនោះ មានដូចជា ៖
ភេសជ្ជៈមានជាតិកាហ្វេអ៊ីន
ភេសជ្ជៈមានជាតិកាហ្វេអ៊ីនដូចជាតែ និងកាហ្វេគួរតែជារឿងចៀសវាង នៅពេលអ្នកកំពុងតែជួបបញ្ហាក្អក។ កាហ្វេអ៊ីន គ្មានអ្វីក្រៅពីធ្វើឲ្យបំពង់កស្ងួត និងលេបទឹកមិនស្រួលនោះទេ។
អាការកែឆ្នៃ
អាការកែឆ្នៃ អាចធ្វើឲ្យប្រព័ន្ធភាពស៊ាំចុះខ្សោយ និងទប់ស្កាត់លទ្ធភាព ការពារជំងឺរបស់រាងកាយទៀត។ ដូច្នេះ អ្នកគួរតែចៀសវាង ដូចជា អាហារសម្រន់ជាកញ្ចប់ នំស្រួយជាដើម។
អាហារឆា ឬចៀន
ចូរចៀសឲ្យឆ្ងាយ ពីអាហារទាំងនេះ នៅពេលអ្នកឈឺ។ អាហារឆា ឬចៀន គឺជាអាហារសំបូរប្រេង ហើយក៏ជាមូលហេតុនាំឲ្យក្អកដែរ។
អាហារត្រជាក់
ចូរចៀសវាងអាហារត្រជាក់ដូចជា ការ៉េម និងភេសជ្ជៈត្រជាក់ៗ ព្រោះវាជាអាហារ ដែលធ្វើឲ្យផ្លូវដង្ហើមស្ងួត និងងាយរងការបង្ករោគ ហើយក្អកកាន់តែខ្លាំង ដោយសារតែការរលាក។
គ្រឿងស្រវឹង
គ្រឿងស្រវឹង អាចធ្វើឲ្យប្រព័ន្ធភាពស៊ាំចុះខ្សោយ និងខ្សោះជាតិទឹកក្នុងខ្លួនបាន។ តាមពិត វាអាចធ្វើឲ្យជំងឺអ្នក ឈឺកាន់តែយូរ និងបង្កើនការប្រឈមខ្លាំង ពីជំងឺផ្តាសាយ ទៅជាបញ្ហាកាន់តែធ្ងន់ធ្ងរ។
ទឹកដោះគោ
ដើម្បីកំចាត់ស្លេសក្នុងបំពង់ក ចូរចៀសវាងអាហារទាំងឡាយណា ដែលបង្កើតស្លេស ដូចជាទឹកដោះគោនេះតែម្តង៕