Join with Health.com.kh on Telegram

គ្រាន់តែចង់បានក្បាលពោះរាបស្មើពិបាកណាស់ទៅឬ? ភាគច្រើននៃពួកយើងសុទ្ធតែចង់បានរូបរាងស្រស់ស្អាតក្បាលពោះរាបស្មើ ប៉ុន្តែមិនដឹងថាគួរកម្ចាត់ខ្លាញ់ក្បាលពោះតាមរបៀបណាមែនទេ? ងាយណាស់! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិស្រួលៗ ប៉ុន្តែមានប្រសិទ្ធិភាពខ្ពស់ជួយសម្រកក្បាលពោះបានយ៉ាងឆាប់រហ័ស ៖

១. ទឹកជាមួយអំបិលគ្មានជាតិអ៊ីយ៉ូដ

អ្វីដែលអ្នកត្រូវធ្វើ គឺគ្រាន់តែលាយអំបិលសមុទ្រគ្មានជាតិអ៊ីយ៉ូដ ២ស្លាបព្រាកាហ្វេជាមួយទឹកក្ដៅឧណ្ហៗ ៤ពែង។ អ្នកអាចបន្ថែមក្រូចឆ្មារស្រស់ចូលបន្តិចដើម្បីបង្កើនរសជាតិ មុនទទួលទាននៅពេលព្រឹកមិនទាន់ញ៊ាំអ្វីផ្សេងផងដែរ។

២. ទឹកជាមួយខ្ទឹមស

អ្វីដែលត្រូវធ្វើ គឺគ្រាន់តែហាន់ខ្ទឹមស ២កំពឹសជាបន្ទះៗ។ រងចាំសម្រាប់រយៈពេល ១០ នាទី សឹមលាយវាជាមួយទឹកបរិមាណ ៥០០ មីលីលីត្រ។ បន្ទាប់មករងចាំសម្រាប់រយៈពេលយ៉ាងហោចណាស់ ២ ម៉ោងទៀត សឹមទទួលទាន។

៣. ទឹកជាមួយផ្លែប៉ោមនិងឈើអែម

ហាន់ផ្លែប៉ោម ២ផ្លែជាបន្ទះៗ រួមជាមួយសំបកឈើអែមចំនួន ២ ដាក់ចូលក្នុងទឹកមួយថូ។ បន្ទាប់មកយកទៅដាក់ក្នុងទូទឹកកកសម្រាប់រយៈពេល ១ម៉ោង សឹមទទួលទាន។

៤. ទឹកជាមួយត្រសក់កក

អ្នកត្រូវហាន់ ឬចិញ្ច្រាំត្រសក់ជាមុនសិន បន្ទាប់មកយកទៅដាក់បង្កកឱ្យកកដូចដុំទឹកកក រួចសឹមបន្ថែមចូលក្នុងទឹកមុននឹងទទួលទានពេលស្រេក។ អ្នកក៏អាចបន្ថែមក្រូចឆ្មារ និងជីអង្កាមចូលដើម្បីបង្កើនរសជាតិផងដែរ។

៥. ទឹកជាមួយម្រេចខ្មៅ

ម្រេចខ្មៅម៉ដ្ឋ កន្លះស្លាបព្រាបាយ, ខ្ញីកិនម៉ដ្ឋ ១ ស្លាបព្រាបាយ, ទឹកឃ្មុំ ១ស្លាបព្រាបាយ, ក្រូចឆ្មារ ១ផ្លែ និងទឹក ២កែវ។ លាយម្រេចនិងខ្ញីចូលគ្នា បន្ទាប់មកចាក់ចូលក្នុងទឹកឃ្មុំ រួចកូរឱ្យសព្វ។ ដាំទឹកឱ្យពុះ រួចចាក់ចូលកែវ។ បន្ទាប់មកបន្ថែមល្បាយដែលលាយរួច ១ ស្លាបព្រាបាយចូលទឹក ១កែវ។ បន្ថែមទឹកក្រូចឆ្មារស្រស់ចូលតាមចំណង់ចំណូលចិត្ត។ កុំចាំរហូតដល់ត្រជាក់ ចូរទទួលទានឱ្យទាន់ក្ដៅឧណ្ហៗ។

៦. ទឹកខ្មេះផ្លែប៉ោម

អ្នកគួរលាយទឹកខ្មេះផ្លែប៉ោមពី ១ ទៅ ២ស្លាបព្រាបាយក្នុងទឹក ១កែវ និងកូរឱ្យសព្វ សឹមទទួលទាននៅពេលព្រឹកមិនទាន់ញ៊ាំអ្វីផ្សេង។ អ្នកក៏អាចបន្ថែមទឹកឃ្មុំចូលបន្តិចដើម្បីបង្កើនរសជាតិផងដែរ៕