ផ្លែប៉ោម មិនត្រឹមតែជាផ្លែឈើ ដ៏មានរសជាតិឆ្ងាញ់ និងផ្តល់ភាពស្រស់ស្រាយប៉ុណ្ណោះទេ តែវាក៏មានអត្ថប្រយោជន៍ច្រើនណាស់ ដល់សុខភាពដែរ។ យ៉ាងណាមិញ អ្វីដែលខ្ញុំនឹងបង្ហាញនៅពេលនេះគឺ ផ្លែប៉ោមមានប្រយោជន៍ច្រើនដល់ខួរក្បាល បើសិនជាបានញ៉ាំវារាល់ថ្ងៃ។
ខួរក្បាលរបស់យើង តែងតែរងនូវសម្ពាធអុកស៊ីកម្មជារៀងរាល់ថ្ងៃ។ តើអ្វីទៅ ជាសម្ពាធអុកស៊ីតកម្ម? វាគឺជាលក្ខណៈនៃអតុល្យភាព រវាងការផលិតរបស់រ៉ាឌីកាល់សេរី និងសមត្ថភាពរបស់រាងកាយក្នុងការជំរុញ ឬបន្សាបឥទ្ធិពលគ្រោះថ្នាក់របស់វា តាមរយៈការធ្វើអុកស៊ីតកម្ម។ ទោះបីជាយ៉ាងណាក៏ដោយ វាត្រូវបានគេអះអាងទៀតថា ការញ៉ាំផ្លែប៉ោម អាចជួយការពារកោសិកាសរសៃប្រសាទ ពីការសម្ពាធអុកស៊ីតកម្មបាន។ យោងទោតាមការសិក្សាមួយ ដែលធ្វើឡើងដោយសាកលវិទ្យាល័យ Gyeongsang National University បានឲ្យដឹងថា ការផ្តល់នូវការការពារប្រភេទនេះ (ញ៉ាំផ្លែប៉ោម) ដល់កោសិកាខួរក្បាល ពិតជាអាចជួយការពារជំងឺសរសៃប្រសាទ បានយ៉ាងអស្ចារ្យដូចជា ជំងឺភ្លេចភ្លាំងពេលចាស់ជរា និងជំងឺ Parkinson’s៕
ញ៉ាំផ្លែប៉ោមរាល់ថ្ងៃ ល្អចំពោះខួរក្បាល
