បញ្ហាដំបៅ ឬពងបែកក្នុងមាត់ គឺជារឿងមួយដែលកើតមានជាញឹកញាប់ និងមានការឈឺចាប់មែនទែន។ វាអាចមានលក្ខណៈពណ៌ស និងគែមៗទៅជាក្រហម ឬរលាក។ ចំពោះដំបៅវិញ អាចនឹងកើតឡើងក្នុងថ្ពាល់ខាងក្នុង បបូរមាត់ ក្រោមអណ្តាត និងផ្នែកខាងក្រោមនៃមាត់។
ចំពោះដំបៅក្នុងមាត់តិចតួច ឃើញកើតមានស្ទើរតែ ៨០ ភាគរយទៅហើយ ហើយក៏អាចនឹងជាវិញដោយខ្លួនឯងរយៈពេលពី ៧ ទៅ ១០ ថ្ងៃដែរ។ ចំពោះដំបៅក្នុងមាត់ ដែលមានលក្ខណៈធំៗ ឬធ្ងន់ធ្ងរវិញមានត្រឹមតែ ១០ ភាគរយប៉ុណ្ណោះ។ ទោះបីជាយ៉ាងណាក៏ដោយ ក្រៅពីប្រើថ្នាំព្យាបាលជាមួយគ្រូពេទ្យ មានរឿងមួយចំនួនដែលអ្នកគួរធ្វើ និងមិនគួរធ្វើដែរ ដើម្បីជំរុញដល់ភាពជាសះស្បើយ និងបំបាត់ការឈឺចាប់។
គួរធ្វើ
- អ្នកគួរតែញ៉ាំទឹកក្រេនបឺរី យ៉ាងហោចណាស់ មួយពែងក្រោយបាយរាល់ពេល
- ញ៉ាំក្តៅ ឬត្រជាក់ដោយប្រើទុយោរបឺត
- ចូរប្រើប្រាស់ច្រាស់ដុសធ្មេញដែលទន់ សម្រាប់ដុះធ្មេញជារៀងរាល់ព្រឹក និងយប់
- ញ៉ាំរបស់ត្រជាក់ដូចជា ការ៉េម ឬយ៉ាអួរ។
មិនគួរធ្វើ
- ចៀសវាងការជក់បារី និងញ៉ាំគ្រឿងស្រវឹង
- ចៀសវាងអាហារហឹរ និងគ្រឿផ្សំដែលហឹរ
- ចៀសវាងការញ៉ាំតែ និងកាហ្វេ៕