ការប្រឈមនឹងជំងឺទឹកនោមផ្អែមប្រភេទទី២ អាចនឹងត្រូវបានការពារជាពិសេស តាមរយៈការញ៉ាំកាហ្វេ។ ដោយយោងទៅតាមគេហទំព័រ WebMD បានឲ្យដឹងថា មានការសិក្សាចំនួន ១៨ និងមានអ្នកចូលរួមសិក្សាប្រមាណ ៤៥៨ ០០០ នាក់ បានបញ្ជាក់អំពីរឿងនេះ។ ការស្រាវជ្រាវបានរកឃើញថា ការថយចុះនៃការកើតជំងឺទឹកនោមផ្អែមប្រភេទទី២ មានរហូតដល់ ៧ ភាគរយ រាល់ការញ៉ាំកាហ្វេមួយពែងក្នុងមួយថ្ងៃ។
រឿងនេះក៏ត្រូវបានបញ្ចាក់ឲ្យដឹងទៀតថា ការថយចុះនៃការប្រឈមមុខ រវាងអ្នកញ៉ាំកាហ្វេគ្មានជាតិកាហ្វេអ៊ីន និងអ្នកញ៉ាំតែ ដូចជាមិនមានអ្វី គួរឲ្យកត់សម្គាល់ច្រើនឡើយ។ យ៉ាងណាមិញ អ្នកស្រាវជ្រាវបានបង្ហាញថា ព័ត៌មានដែលបានមកពីការសិក្សា ទ្រង់ទ្រាយតូចមួយចំនួន ប្រហែលជាមិនសូវអស្ចារ្យប៉ុន្មានទេ។ ដូច្នេះហើយ ទើបអ្នកស្រាវជ្រាវ អាចនឹងមើលរំលង នូវទំនាក់ទំនង រវាងការញ៉ាំកាហ្វេច្រើនៗ និងជំងឺទឹកនោមផ្អែមទៅ៕