គ្រួសក្នុងថង់ទឹកប្រមាត់ ច្រើនតែបណ្តាលមកពី ជំងឺនៅក្នុងថង់ទឹកប្រមាត់ផ្ទាល់តែម្តង។ នៅពេលគ្រួសកើតជារូបរាង វាអាចនឹងមានទំហំច្រើនប្រភេទ។ ដោយគ្រួសខ្លះតូចប៉ុនគ្រាប់ខ្សាច់ធំមួយ និងខ្លះទៀតធំ រហូតដល់ប៉ុនគ្រាប់កូនហ្គោលក៏មានដែរ។
បើសិនអ្នកជាមនុស្សដែលប្រឈមខ្លាំង នឹងជំងឺនៅថង់ទឹកប្រមាត់មែននោះ ចូរធ្វើយ៉ាងណាថែទាំសុខភាពឲ្យមែនទែន។ អ្នកអាចធ្វើការផ្លាស់ប្តូរ របៀបរស់នៅឲ្យកាន់តែល្អប្រសើរជាងមុន ដើម្បីកាត់បន្ថយការប្រឈម នឹងជំងឺគ្រួសក្នុងថង់ទឹកប្រមាត់នៅថ្ងៃមុខ ដូចជា ៖
សម្របខ្លួនទៅនឹង ការញ៉ាំអាហារមានជាតិខ្លាញ់ទាប និងសរសៃខ្ពស់
ជាតិខ្លាញ់ ជាពិសេសខ្លាញ់ Saturated Fats ដែលមានក្នុងសាច់ ប័រ និងផលិតផលសត្វផ្សេងៗទៀត សុទ្ធតែជាប់ពាក់ព័ន្ធ នឹងការធ្វើទុក្ខជំងឺគ្រួសក្នុងថង់ទឹកប្រមាត់ហើយ។ ដូច្នេះ យកល្អ អ្នកគួរតែជ្រើសរើសប្រភេទខ្លាញ់ Monounsaturated Fats ដូចជាប្រេងអូលីវ ឬអាស៊ីតខ្លាញ់អូមេហ្គាបី ដែលមានក្នុងត្រីជំនួសវិញទៅ។ ចូរញ៉ាំបន្លែ ផ្លែឈើឲ្យបានច្រើនៗផង។
អាចញ៉ាំគ្រឿងស្រវឹងបានខ្លះដែរ
ការសិក្សាបានរកឃើញថា ការញ៉ាំគ្រឿងស្រវឹងក្នុងកម្រិតមធ្យម អាចជួយកាត់បន្ថយការប្រឈម នឹងជំងឺគ្រួសក្នុងថង់ទឹកប្រមាត់បាន។ ប៉ុន្តែ គេក៏រកឃើញទៀតថា ការញ៉ាំគ្រឿងស្រវឹង ប្រឈមនឹងជំងឺមហារីកសុដន់ លើមនុស្សស្រីទៅវិញ។ ជាមួយគ្នានេះដែរ ស្ត្រីមានផ្ទៃពោះ និងអ្នកជំងឺថ្លើម មិនគួរណាញ៉ាំគ្រឿងស្រវឹងសោះឡើយ។
ញ៉ាំកាហ្វេ
ការសិក្សាបានរកឃើញថា ការញ៉ាំកាហ្វេមួយពែងក្នុងមួយថ្ងៃ អាចកាត់បន្ថយការប្រឈមនឹង ជំងឺគ្រួសក្នុងថង់ទឹកប្រមាត់បាន។ ជាតិកាហ្វេអ៊ីនក្នុងកាហ្វេ អាចទៅភ្ញោចការកន្ត្រាក់របស់ថង់ទឹកប្រមាត់ និងកាត់បន្ថយភាពខាប់របស់កូឡេស្តេរ៉ុល នៅក្នុងទឹកប្រមាត់ទៀត។
រក្សាទម្ងន់ឲ្យនៅមានសុខភាព
ដូច្នេះ អ្នកគួរតែធ្វើយ៉ាងណា ថែរក្សាទម្ងន់ឲ្យនៅសមសួនជានិច្ច។ បើសិនជាអ្នកមិនច្បាស់ថា គួរធ្វើយ៉ាងណា ដើម្បីសម្រកទម្ងន់ទេនោះ ចូរពិគ្រោះជាមួយគ្រូពេទ្យសិនទៅ។
ទោះបីជាយ៉ាងណាក៏ដោយ បើសិនជាអ្នកគ្រប់គ្រង ការប្រឈមមុខខ្លួនឯងបានល្អហើយ អ្នកក៏អាចកាត់បន្ថយ ការប្រឈមនឹងជំងឺថង់ទឹកប្រមាត់ និងគ្រួសក្នុងថង់ទឹកប្រមាត់បានដែរ៕
វិធីងាយៗ ក្នុងការបង្ការកុំឲ្យ កើតគ្រួសក្នុងថង់ទឹកប្រមាត់
