Join with Health.com.kh on Telegram

សុនខ​កម្ពុជា​បាន​ជោគជ័យ​នៅ​ក្នុង​ការ​ហាត់​ហិតក្លិន​រក​មេរោគ​កូ​វី​ដ​១៩​កាលពី​ថ្ងៃ​ទី​២​ខែសីហា​។ នេះ​គឺជា​ដំណឹង​ដ៏​ល្អ​មួយ​ដែល​ប្រកាស​ដោយ​មជ្ឈមណ្ឌល​សកម្មភាព​កំចាត់​មីន​កម្ពុ​ុ​ជា​ដែល​ហៅ​កាត់​ថា ស៊ី​ម៉ាក់ CMAC​។

តាម​រយះ​ហ្វេ​ស​ប៊ុ​ក​របស់​ខ្លួន CMAC បានអោយ​ដឹង​ថា ក្រោយ​ពី​បាន ទទួល​សំណាក​ក្លិន​(VOC) អ្នកជំងឺ​កូ​វី​ដ​១៩​ចំនួន​៤៨​សំណាក ពី​ក្រុមការងារ​បច្ចេកទេស នៃ​សាកលវិទ្យាល័យ​វិទ្យាសាស្ត្រ​សុខាភិបាល ដែល​សំណាក​ទាំង​៤៨​បាន​ឆ្លងកាត់​ត្រួតពិនិត្យ​PCR​និង​ការ​បណ្តុះ​មេរោគ (cell culture)​ដើ​ម្បី​ធានា​សុវត្ថិភាព សំណាក​ក្នុង​ការ​បំ​រើ​ការងារ​ហ្វឹកហ្វឺន ក្រុម​ជំនាញ​សុនខ​សុ​ី​ម៉ាក់​បាន​ដំណើរការ​ហ្វឹកហ្វឺន​សុនខ​ហិតក្លិន​អ្នក​ផ្ទុក​វីរុស​កូ​វី​ដ​១៩​នេះ​តាម​ផែនការ​។

អង្គការ​ស៊ី​ម៉ាក់​បាន​និយាយ​ថា​សូម​អបអរសាទរ​ចំពោះ​សុនខ​ក្រុម​ទី​១​ចំនួន​៣​ក្បាល​ដែល​បាន​ហិត​រក​ឃេ​ី​ញ​ក្លិន​សំណាក​នៃ​អ្នកជំងឺ​កូ​វី​ដ​១៩ ប្រកបដោយ​ជោគជ័យ​ក្នុង​ដំណាក់កាល​ហ្វឹកហ្វឺន​ស្រាវជ្រាវ​បឋម​នេះ​។ រីឯ​សុនខ​ក្រុម​ទី​២​ចំនួន​៧​ក្បាល​ទៀត កំពុង​មាន​វឌ្ឍនភាព​គួរ​ឱ្យ​កត់សំគាល់​។ ជា​លក្ខណ​:​បច្ចេកទេស​សុនខ​អាច​ហិត​រក​ឃើ​ញ​ក្លិន​សំណាក​ក្នុង​រយ​:​ពេល​ប្រមាណ​តែ​១០-១៥​វិនាទី​។

ការ​ប្រើ​ប្រាស់​សុនខ​ហិត​អ្នក​ផ្ទុក​វីរុស​កូ​វី​ដ​១៩​មាន​ប្រសិទ្ធភាព​សំរាប់​ហ្វូង​មនុស្ស​ប្រមូលផ្តុំ​ច្រេ​ី​ន​ដូច​ជា​ព្រ​លាន​យន្តហោះ ច្រក​ទ្វារ​អន្តរជាតិ និង​ពហុ​កីឡាដ្ឋាន​ជា​ដើ​ម​។

ការ​សិក្សា​ស្រាវជ្រាវ​និង​អភិវឌ្ឍន៍​បច្ចេកទេស​សុនខ​ហិត​រក​អ្នក​ផ្ទុក​វីរុស​កូ​វី​ដ​១៩​នេះ ជា​គំនិត​ផ្តួច​ផ្តើម​របស់​សម្តេច​តេ​ជោ ក្នុង​ការ​រិះរក​គ្រប់​មធ្យោបាយ​និង​លទ្ធភាព​ប្រយុទ្ធ​ប្រឆាំង​ជម្ងឺ​កូ​វី​ដ​១៩​។

យើ​ង​ខ្ញុំ​ទាំងអស់​គ្នា​ពិតជា​មាន​មោទនភាព​ចំពោះ​លទ្ធផល​នៃ​ការ​សិក្សា​ស្រាវជ្រាវ​នេះ និង​មាន​ក្តី​សង្ឃឹម​ជឿជាក់ ថា​នឹង​ឆ្លើយ​តប​តាម​ការ​រំពឹង​ទុក​។ ជាមួយ​នេះ​ដែរ​ផ្អែក​តាម​អ្នកជំនាញ ឱ្យ​បានដឹង​ថា មិន​ទាន់​មាន​ភស្តុ​តាង​ផ្លូវការ​ណាមួយ​បញ្ជាក់​ថា​មានការ​ឆ្លង​វីរុស​កូ​វី​ដ​១៩​ពី​មនុស្ស​ទៅ​សុនខ​ឡើយ​។

សុំ​បញ្ជាក់​ថា សុនខ​ទាំងនេះ​កើត​កម្ពុជា​និង​បាន​បង្វឹក​ដោយ​គ្រូ​ជំនាញ​សុនខ​កម្ពុជា​! សូម​អរគុណ​ផង​ដែរ​ចំពោះ​ក្រុមការងារ​បច្ចេកទេស​នៃ​សាកលវិទ្យាល័យ​វិទ្យាសាស្ត្រ​សុខាភិបាល ដែល​បាន​ផ្តល់​កិច្ចសហការ​និង​ចូលរួម​យ៉ាង​សកម្ម​ក្នុង​ការងារ​សិក្សា​ស្រាវជ្រាវ​នេះ​។