Join with Health.com.kh on Telegram


វ៉ាក់សាំង​ច​ន​សាន់ ច​ន​សាន់ Johnson Johnson របស់​អា​មេ​រិ​ក ដែល​នឹង​ដឹក​មក​ដល់ កម្ពុជា​នៅ​ថ្ងៃស្អែក​ទី​៣០​ខែកក្កដា​ត្រូវ​បាន​គេ​ស្រាវ ជ្រាវ​ថា​មាន​ប្រ​សិ​ទ្ឋ​ភាព​ខ្លាំង នៅ​ក្នុង​ការ​ទប់ទល់​នឹង​មេរោគ​កូ​វី​ដ​១៩ ហើយ​វា​មាន​ប្រ​សិ​ទ្ឋ​ភាព រហូត​ដល់​៨​ខែ​។

នេះ​បើ​យោង​តាម​ការ​ផ្សព្វផ្សាយ​អំពី​ការ​សិក្សា​ស្រាវជ្រាវ​ទៅ​លើ​វ៉ាក់សាំង Johnson Johnson នេះ​។ យោង​តាម​សេចក្តី​ប្រកាស​ព័ត៌មាន​នោះ​បានអោយ​ដឹង​ថា​ការ​ចាក់​វ៉ាក់សាំង Johnson Johnson តែ​មួយ​ដូ​សគឺ​មាន​ប្រ​សិ​ទ្ឋ​ភាព​ខ្ពស់​ប្រឆាំង​នឹង​មេរោគ​បំប្លែង​ថ្មី​Delta និង មេរោគ​បំប្លែង​ថ្មី​ផ្សេង​ទៀត​នៃ​កូ​វី​ដ​១៩​។ មជ្ឈមណ្ឌល​គ្រប់គ្រង​ជំងឺ​អា​មេ​រិ​កបាន​និយាយ​ថា​គ្មាន​នរណា​ម្នាក់​បាន​ស្លាប់​ឡើង បន្ទាប់​ពី​បាន​ចាក់​វ៉ាក់សាំង Johnson Johnson រយះ​ពេល​បួន​ស​ប្តា​ហ៍​ហើយ​។ ចំណែក​រដ្ឋបាល​ឪ​ស​ថ​និង​ចំណីរ​អាហារ​អា​មេ​រិ​ក​វិញ​បានអោយ​ដឹង​ថា​វ៉ាក់សាំង​នេះ​មាន​ប្រ​សិ​ទ្ឋ​ភាព​រហូត​ដល់​៨៥​ភាគរយ​ការពារ​មនុស្ស​មិន​អោយ​ធ្លាក់​ក្នុង​សភាព​ធ្ងន់ធ្ងរ​ដោយសារ​ជំងឺ​កូ​វី​ដ​១៩​។

ប៉ុន្តែ​ទោះបីជា​យ៉ាងណា​ក្តី​វ៉ាក់សាំង​នេះ​ក៏​អាច​បង្ក​ផល​ប៉ះពាល់​ធ្វើ​អោយ​មាន​កំណក​ឈាម​ក្នុង​សរសៃរ​ឈាម​ដែល​ជា​ស្ថានភាព​ដ៏​គ្រោះថ្នាក់​និង​អាច​ធ្វើ​អោយ​មានការ​ប៉ះពាល់​ដល់​ប្រ​ព័​ន្ឋ​សរសៃប្រសាទ​ផង​ដែរ​។ ប៉ុន្តែ​ផល​ប៉ះពាល់​នេះ​មាន​តិចតួច​បំផុត​ដោយ​មាន​តែ​ប៉ុន្មាន នាក់​ប៉ុណ្ណោះ​ក្នុង​ចំណោម​១​លាន​នាក់​។ ដូច្នេះ​ផលប្រយោជន៍​របស់​វា​មាន​ភាព​លើសលុប​ខ្លាំង​បំផុត បើ​ធៀប​នឹង​ផល​ប៉ះពាល់​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង