ផលរំខាននៃថ្នាំបញ្ចុះសម្ពាធឈាមដែលអាចធ្វើអោយខូចមុខងារផ្លូវភេទមានដូចជា៖
- ថ្នាំបញ្ចុះទឹកនោម (Diuretics)៖ ថ្នាំប្រភេទនេះអាចបន្ថយកម្លាំងលំហូរឈាមទៅក្នុងលិង្គ និងជាហេតុធ្វើអោយពិបាកក្នុងការឡើងរឹង។ វាក៏អាចបន្ថយជាតិស័ង្កសីនៅក្នុងខ្លួនដែរ ដែលវាមានតួរនាទីយ៉ាងសំខាន់ក្នុងការបង្កើតអ័រម៉ូនភេទតេសស្តូស្តេរ៉ូន។
- ថ្នាំ Beta Blockers៖ ថ្នាំទាំងនេះអាចប៉ះពាល់ទៅលើប្រតិកម្មប្រព័ន្ធប្រសៃប្រសាទដែលធ្វើលិង្គរឹង។ ថ្នាំ Beta Blockers ក៏អាចធ្វើអោយយសរសៃឈាមអាកទែនៅក្នុងលិង្គពិបាកនឹងរីកធំ សម្រាប់ផ្តល់លំហូរឈាមអោយបានគ្រប់គ្រាន់ដើម្បីអោយលិង្គរឹង។
ដើម្បីកាត់បន្ថយការប្រឈមរបស់ផលរំខាននៃថ្នាំទាំងនេះ និងកុំអោយមានបញ្ហាផ្លូវភេទបាន ចូរប្រើថ្នាំទាំងនោះទៅតាមវេជ្ជបញ្ជារបស់គ្រូពេទ្យអោយបានត្រឹមត្រូវ។ ប្រសិនបើអ្នកនៅតែមានផលរំខានទៀត ចូរទៅពិគ្រោះជាមួយគ្រូពេទ្យអំពីការប្រើថ្នាំផ្សេងទៀតដែលមានផលរំខានតិចជាងនេះ៕