Join with Health.com.kh on Telegram

ថ្នាំ​ទឹកនោមផ្អែម metformin អាច​ជួយ​រក្សា​កម្រិត​ជាតិ​ស្ករ​បាន​ខ្ពស់​។ ការស្រាវជ្រាវ​ថ្មីៗ​នេះ​ក៏​បាន​បង្ហាញថា វា​ក៏​អាច​បន្ថយ​ហានិភ័យ​នៃ​ជំងឺ​វង្វេង​បាន​ផងដែរ​។​

​បើ​ធៀប​ទៅ​នឹង​អ្នក​ដែល​ប្រើ​ថ្នាំ​ទឹកនោមផ្អែម​ដទៃ​ទៀត​ដែល​ត្រូវបាន​គេ​ស្គាល់​ថា sulfonylureas, អ្នក​ដែល​ប្រើ metformin មាន​ការថយចុះ​ហានិភ័យ​ក្នុង​ការវិវត្ត​ទៅជា​ជំងឺ​វង្វេង​បាន​២០%​លើ​ការស្រាវជ្រាវ​អស់​រយៈពេល​៥​ឆ្នាំ​។​

​វេជ្ជបណ្ឌិត រ៉ា​ឆេ​ល វាយ​ម័រ (Rachel Whimer) បាន​និយាយថា ថ្នាំ metformin អាចមាន​ឥទ្ធិពល​ការពារ​ណឺរ៉ូន​ក្នុង​ខួរក្បាល​។​

​អ្នក​ដែល​មាន​ជំងឺ​ទឹកនោម​ផ្អែម​ប្រភេទ​ទី​២​មាន​ហានិភ័យ​ទ្វេ​ដង​ក្នុង​ការវិវត្ត​ទៅ​ជា​ជំងឺ​វង្វេង នេះ​បើ​ធៀប​ទៅនឹង​អ្នក​ដែល​មិនមាន​ជំងឺ​ទឹកនោម​ផ្អែម​។ ប៉ុន្តែ ទោះបីជា​ជំងឺ​ទឹកនោម​ផ្អែម​គឺជា​កត្តា​ហានិភ័យ​មួយ​នៃ​ជំងឺ​វង្វេង​ក៏ដោយ​, ប៉ុន្តែ​អ្នក​ស្រាវជ្រាវ​បាន​រកឃើញថា វា​មាន​ការស្រាវជ្រាវ​តិចតួច​ណាស់​លើ​ឥទ្ធិពល​នៃ​ថ្នាំ​ទឹកនោមផ្អែម​លើ​ហានិភ័យ​នៃ​ជំងឺ​វង្វេង​។​

​ដើម្បី​មើល​ថា​តើ​ការព្យាបាល​នានា​អាច​មាន​ការការពារ​ប្រឆាំង​នឹង​ជំងឺ​វង្វេង​ឬ​យ៉ាងណា​នោះ​, ក្រុម​របស់​វាយម័​របាន​ធ្វើការ​ស្រាវជ្រាវ​លើ​មនុស្ស​ដែល​មាន​ជំងឺ​ទឹកនោម​ផ្អែម​ប្រភេទ​ទី​២​ជិត ១៥.០០០​នាក់​ដែល​ទើបតែ​ចាប់ផ្តើម​ព្យាបាល​ថ្នាំ​មួយ​មុខ​ក្នុង​ជំងឺ​របស់​ពួកគេ​។​

​អ្នក​ទាំងអស់​នោះ​នៅ​ក្នុង​ការស្រាវជ្រាវ​គឺ​មាន​អាយុ​លើសពី​៥៥​ឆ្នាំ ហើយ​អ្នក​ទាំងអស់​នោះ​ត្រូវបាន​គេ​ធ្វើ​រោគវិនិច្ឆ័យ​ឃើញថា​មាន​ជំងឺ​ទឹកនោម​ផ្អែម​ប្រភេទ​ទី​២​។ វាយម័​របា​ននិយាយថា មិនមែន​ពួកគេ​ត្រូវបាន​គេ​ធ្វើ​រោគវិនិច្ឆ័យ​ឃើញ​ថ្មីៗ​នោះ​, មនុស្ស​មួយចំនួន​ត្រូវបាន​គេ​ធ្វើ​រោគវិនិច្ឆ័យ​ឃើញថា​មាន​ជំងឺ​ទឹកនោម​ផ្អែម​ប្រភេទ​ទី​២​យ៉ាងយូរ​១០​ឆ្នាំ​។ ប៉ុន្តែ​មិន​មាន​នរណា​ម្នាក់​បាន​ប្រើ​ថ្នាំ​សម្រាប់​ជំងឺ​របស់​ពួកគេ​នៅ​ពេល​ការស្រាវជ្រាវ​ចាប់ផ្តើម​នោះទេ​។​

​វាយម័​របា​ននិយាយថា ពួកគេ​បាន​ចែក​ការព្យាបាល​ជា​បួនៈ ការប្រើ​ថ្នាំ metformin, sulfonylureas, thiazolidinediones(TZDs) ឬ​ការចាក់​អាំង​ស៊ុយ​លីន​។​

​គ្រប់​ការព្យាបាល​ទាំងនេះ​បន្ថយ​កម្រិត​ជាតិ​ស្ករ ប៉ុន្តែ​ពួកគេ​មាន​សកម្មភាព​ខុសៗ​គ្នា​បន្តិចបន្តួច​។​

​ថ្នាំ metformin ធ្វើអោយ​សាច់ដុំ​ងាយ​នឹង​ទទួល​នឹង​អរ​ម៉ូ​ន​អាំង​ស៊ុយ​លីន ដែល​ជា​អរ​ម៉ូ​ន​មួយ​សំខាន់​សម្រាប់​នាំ​ជាតិ​ស្ករ​ទៅក្នុង​កោសិកា​ក្នុង​ខ្លួន ហើយ​ជាលិកា​ផ្តល់​ចេញ​ជា​ថាមពល​។ វា​ក៏​បន្ថយ​បរិមាណ​នៃ​ជាតិ​ស្ករ​ដែល​ត្រូវបាន​បង្កើតឡើង​ដោយ​ថ្លើម​ផងដែរ​។ ថ្នាំ sulfonylureas ភ្ញោ​ច​អោយ​ផលិត​នូវ​អរ​ម៉ូ​ន​អាំង​ស៊ុយ​លីន​។ ថ្នាំ TZDs ធ្វើអោយ​សាច់ដុំ និង​ជាលិកា​ខ្លាញ់​ងាយ​ទទួល​នឹង​អរ​ម៉ូ​ន​អាំង​ស៊ុយ​លីន ហើយ​ពួក​វា​បន្ថយ​បរិមាណ​នៃ​ជាតិ​ស្ករ​ដែល​ត្រូវបាន​បង្កើតឡើង​ដោយ​ថ្លើម​ផងដែរ​។ ការចាក់​អរ​ម៉ូ​ន​អាំង​ស៊ុយ​លីន​ត្រូវបាន​គេ​ប្រើ​ដើម្បី​ជួយ​គ្រប់គ្រង​លើ​ការកើនឡើង​តម្រូវ​ក​ចំពោះ​អរ​ម៉ូ​ន​អាំង​ស៊ុយ​លីន​បន្ថែម​ដោយសារតែ​មនុស្ស​ដែល​មាន​ជំងឺ​ទឹកនោម​ផ្អែម​ប្រភេទ​ទី​២​មិន​អាច​ប្រើ​អរ​ម៉ូ​ន​អាំង​ស៊ុយ​លីន​ដែល​ត្រូវបាន​ផលិត​ដោយ​ខ្លួន​ដោយ​មាន​ប្រសិទ្ធភាព​នោះ​ទេ​។​

​អំឡុងពេល​នៃ​ការស្រាវជ្រាវ​, អ្នកជំងឺ​ជិត​១០%​ត្រូវបាន​គេ​ធ្វើ​រោគវិនិច្ឆ័យ​ឃើញថា​មាន​ជំងឺ​វង្វេង​។​

​បើ​ធៀប​ទៅ​នឹង​អ្នក​ដែល​ប្រើ​ថ្នាំ sulfonylureas, អ្នក​ដែល​ប្រើ​ថ្នាំ metformin មាន​ការថយចុះ​ហានិភ័យ​ក្នុង​ការវិវត្ត​ទៅជា​ជំងឺ​វង្វេង​បាន​២០%​។ វា​មិន​មាន​ការខុសប្លែក​គ្នា​នោះ​ទេ​ចំពោះ​ហានិភ័យ​នៃ​ជំងឺ​វង្វេង​ចំពោះ​អ្នក​ដែល​ប្រើ​ថ្នាំ TZDs ឬ​ចាក់​អាំង​ស៊ុយ​លីន​បើ​ធៀប​ទៅនឹង​អ្នក​ប្រើ​ថ្នាំ sulfonylureas​។​

​វាយម័​របា​ននិយាយថា អ្នកស្រាវជ្រាវ​បាន​គ្រប់គ្រង​ស្ថិតិ​ចំពោះ​ចំនួន​នៃ​កត្តា​ហានិភ័យ​មួយចំនួន​ដូចជា អាយុ​, រយៈពេល​នៃ​ជំងឺ​ទឹកនោម​ផ្អែម​, ការគ្រប់គ្រង​ជាតិ​ស្ករ​នៅក្នុង​ឈាម​, ជាតិ​សាសន៍ ឬ​ចំនេះដឹង​នោះ​។​

​តើ​វា​ជា​អ្វី​អំពី​ថ្នាំ metformin ដែល​អាច​ជួយ​ការពារ​ខួរក្បាល​នោះ​? វាយម័​របា​ននិយាយថា ទ្រឹស្តី​មួយ​ដែល​បាន​ធ្វើ​លើ​ការស្រាវជ្រាវ​លើ​សត្វ​បានបង្ហាញ​ថា ថ្នាំ metformin អាច​ដើរតួ​សំខាន់​ក្នុង​ការលូតលាស់​នៃ​កោសិកា​ខួរក្បាល​ថ្មី​។ គាត់​បាន​បន្ថែមថា វា​ក៏​ត្រូវបាន​ផ្សារភ្ជាប់​ទៅ​នឹង​ការថយចុះ​ការ​រលាក​ផងដែរ​។​

​វេជ្ជបណ្ឌិត រី​ឆាដ លី​ព​ថុន (Richard Lipton) ដែល​មក​ពី​មជ្ឈមណ្ឌល​វេជ្ជសាស្ត្រ Montefiore បាន​និយាយថា អាំង​ស៊ុយ​លីន​ផ្តល់​ភាព​ប្រសើរ​នៃ​ការរស់នៅ​នៃ​កោសិកា​ប្រសាទ​។ ថ្នាំ​ដូចជា​ថ្នាំ metformin ដែល​ជា​ថ្នាំ​ទទួល​អរ​ម៉ូ​ន​អាំង​ស៊ុយ​លីន​នៅក្នុង​ខ្លួន​នោះ​, អាច​ជា​អ្នកទទួល​អាំង​ស៊ុយ​លីន​នៅក្នុង​ខួរក្បាល​ផងដែរ​។ យើង​ដឹង​ថា មនុស្ស​ដែល​មាន​ជំងឺ​អាល់​ហ្សៃ​មឺរ បាន​បាត់បង់​ចំណុះ​នៃ​ខួរក្បាល​, ដែល​អាច​មាន​ការថយចុះ​ការជំនួស​នៃ​កោសិកា​ប្រសាទ​។ ការ​សម្គាល់​ដែល​ថ្នាំ metformin អាច​ជម្រុញអោយមាន​ការបង្កើត​កោសិកា​ប្រសាទ​ថ្មី និង​ជំនួស​កោសិកា​ខួរក្បាល​នោះ គឺជា​រឿង​មួយ​ដែល​ទាក់ទាញ​។​

​លី​ព​ថុន​បាន​និយាយថា គំនិត​ដែល​របៀប​នៃ​យើង​ព្យាបាល​ជំងឺ​ទឹកនោម​ផ្អែម​អាច​ប៉ះពាល់​ដល់​មូលហេតុ​នៃ​ជំងឺ​វង្វេង​នោះ គឺ​ជារឿយ​មួយ​ដែល​គួរអោយ​ចាប់អារម្មណ៍​។​

​វាយម័​រ​សង្ឃឹម​ថា​មាន​ការស្រាវ​ជ្រាវ​បន្ថែម​ដើម្បី​កំណត់​ថា​តើ​ការប្រើប្រាស់​រយៈពេល​យូរ​នៃ​ថ្នាំ metformin នឹង​មាន​ប្រសិទ្ធភាព​ប្រសើរ​ឡើង​, ថា​តើ​កម្រិត​ខ្ពស់​ធ្វើអោយ​មាន​ការខុសប្លែក​គ្នា និង​ថា​តើ​មាន​ភាព​ខុសប្លែកគ្នា​ចំពោះ​ការថយចុះ​ហានិភ័យ​ដែល​អាស្រ័យ​លើ​ប្រភេទ​នៃ​ជំងឺ​វង្វេង​ឬ​យ៉ាងណា​។​

​គាត់​បាន​និយាយថា ចំពោះ​ឥលូវ​, វា​ជា​រឿង​សំខាន់​ដើម្បី​ចាំ​រឿងនេះ​។ ខួរក្បាល​មិន​នៅ​តែ​ឯង​នោះ​ទេ​។ នៅពេល​ដែល​អ្នក​គិត​អំពី​សុខភាព​ខួរក្បាល​របស់​អ្នក អ្នក​គួរតែ​កំពុង​គិត​អំពី​សុខភាព​ខ្លួនប្រាណ​ទាំងមូល និង​គិត​អំពី​ការបញ្ចប់​នៃ​ជីវិត​របស់​អ្នក​។ ជំងឺ​វង្វេង​កើត​មាន​ក្រោយ​នៃ​ជីវិត ប៉ុន្តែ​ការផ្លាស់ប្តូរ​ទាំង​នោះ​ចាប់ផ្តើម​មុននឹង​វា​បង្ហាញ​ជា​រោគសញ្ញា​ឡើង​។ ដូចនេះ​អ្វីដែល​ល្អ​សម្រាប់​សុខភាព​បេះដូង គឺ​ល្អ​សម្រាប់​ខួរក្បាល​៕