ការឡើងទម្ងន់គឺជាទុក្ខព្រួយដែលកើតមានជាញឹកញាប់លើស្ត្រីគ្រប់ៗគ្នាដែលកំពុងតែប្រើថ្នាំពន្យាកំណើត។ ស្ត្រីមួយចំនួនធំដែលប្រើថ្នាំពន្យាកំណើតបានប្រាប់អោយដឹងថា ពួកគេបានឡើងទម្ងន់ ប៉ុន្តែច្រើនតែផ្អែកទៅលើទស្សនៈដែលមិនត្រឹមត្រូវទៅវិញ។ អ្នកឯកទេសបានប្រាប់អោយដឹងថា ថ្នាំគ្រាប់ពន្យាកំនើតមិនមានទំនាក់ទំនងណាមួយធ្វើអោយឡើងទម្ងន់ឡើយ។
បើយោងទៅតាមការសិក្សាមួយរបស់ Cochrane Database of Systematic Review បានអោយដឹងថា ការប្រែប្រួលទាំងឡាយដែលកើតមានលើរាងកាយមនុស្សស្រីដោយសារតែថ្នាំពន្យាកំណើតមានលក្ខណៈបណ្តោះអាសន្ន និងតិចតួចប៉ុណ្ណោះ។ ស្ត្រីដែលមានប្រតិកម្មខ្លាំងទៅនឹងកម្រិតអ័រម៉ូនដែលមានក្នុងថ្នាំគ្រាប់ពន្យាកំណើតច្រើនតែមានផលរំខានដូចជា កើតមុន, តឹងសុដន់ និងឡើងទម្ងន់ធម្មតាដោយសារតែការចាលជាតិទឹក។
កត្តាដែលនាំអោយឡើងទម្ងន់
– ស្ត្រីមួយចំនួនដែលឡើងទម្ងន់ដោយសារតែការប្រើថ្នាំគ្រាប់ពន្យាកំណើតផ្សំឡើងដោយ Estrogen និង Progestin។ កាលណាដែលមានកម្រិត Progestin ខ្ពស់នាំអោយចាលជាតិទឹក និងឡើងទម្ងន់។ ការតាមដានការទទួលទានទឹក និងការពិគ្រោះជាមួយគ្រូពេទ្យអាចជួយអោយពួកគេទប់ស្កាត់ការចាលជាតិទឹកនេះបាន។
– កម្រិត Progestin ដ៏ខ្ពស់ដែលមានក្នុងថ្នាំគ្រាប់ពន្យាកំណើតក៏បង្កើនចំណង់អាហារដែរ ដែលនាំអោយពួកគេឡើងទម្ងន់។ ទោះបីជាយ៉ាងណាក៏ដោយ បើសិនជាស្ត្រីរក្សាការគ្រប់គ្រងការញ៉ាំអាហារពួកគេបាន ហើយហាត់ប្រាណជាទៀងទាត់ ពួកគឹក៏មិនប្រឈមនឹងបញ្ហានេះដែរ។
– ស្ត្រីមួយចំនួន ដែលប្រើថ្នាំគ្រាប់ពន្យាកំណើតមាន Estrogen ខ្ពស់ក៏នាំអោយឡើងទម្ងន់បានដែរ។
បើសិនជាអ្នកប្រើថ្នាំពន្យាកំណើត ហើយសង្ស័យថាថ្នាំនោះកំពុងធ្វើអោយអ្នកធាត់ ចូរទៅពិគ្រោះជាមួយគ្រូបេទ្យដើម្បីផ្លាស់ប្តូររបៀបពន្យាកំណើត។ ឧទាហរណ៍ ថ្នាំពន្យាកំណើតប្រភេត Levlite, Loestrin-Fe និង Micette សុទ្ធតែមានកម្រិត Estrogen ទាបទាំងអស់។
បើយោងទៅតាម ការសិក្សាមួយបានអោយដឹងថា បើសិនជាធាត់ស្រាបកំពុងតែប្រើថ្នាំពន្យាកំណើត ប៉ុន្តែអាចគ្រប់គ្រងការញ៉ាំអាហារបាន នោះពួកគេអាចនឹងស្រកទម្ងន់វិញបានដែរ។ ការឡើងទម្ងន់ដោយសារតែការចាស់ទៅតាមអាយុច្រើនតែច្រឡំងនឹងការប្រើថ្នាំពន្យាកំណើត។
ស្ត្រីគ្រប់រូបមានការឆ្លើយតបនឹងថ្នាពន្យាកំណើតខុសៗគ្នា ដូច្នេះយកល្អគួរតែពិគ្រោះជាមួយគ្រូពេទ្យដើម្បីទទួលបានថ្នាំពន្យាកំណើតណាដែលល្អបំផុតសម្រាប់អ្នក៕