មនុស្សជាច្រើនចូលចិត្តផឹកតែខ្មៅដើម្បីអោយឆាប់មានកម្លាំង។ មានអំណះអំណាងបែបវិទ្យាសាស្ត្រដ៏ល្អមួយដែលបង្ហាញអំពីប្រសិទ្ធភាពរបស់តែនេះ។ តែខ្មៅមានជាតិកាហ្វេអ៊ីនច្រើនណាស់។ វាក៏ផ្ទុកទៅដោយសារធាតុជួយភ្ញោចបន្តិចបន្តួចដែរឈ្មោះថា Theophylline។ សារធាតុទាំងពីរនេះអាចទៅបង្កើនល្បឿនចង្វាក់បេះដូង និងធ្វើអោយអ្នកមានអារម្មណ៍ប្រុងប្រយ័ត្នកាន់តែច្រើនបាន។
តែបៃតងក៏សម្បូរទៅដោយសារធាតុផ្តល់សុខភាពច្រើនដែរនោះគឺ Polyphenols ដែលជាអង់ទីអុកស៊ីដង់សម្រាប់ជួយការពារកោសិការពីការខូចខាតរបស់ DNA។
អ្នកវិទ្យាសាស្ត្រមួយចំនួនគិតថា អង់ទីអុកស៊ីដង់ពិសេសៗក្នុងតែដូចជា Polyphenols និង Catechins ប្រហែលជាជួយបង្ការជំងឺមហារីកមួយចំនួន។ ឧទាហរណ៍ ការស្រាវជ្រាវមួយចំនួនបានអោយដឹងថា ស្ត្រីដែលផឹកតែខ្មៅជាទៀងទាត់មានការថយចុះនូវការប្រឈមនឹងជំងឺមហារីកក្រពេញអូវ៉ែជាងស្ត្រីដែលមិនបានផឹកតែនេះ។
ប៉ុន្តែរឿងនេះក៏ត្រូវការការស្រាវជ្រាវបន្ថែមទៀតដែរ។ លើសពីនេះទៅទៀត ការស្រាវជ្រាវបានបញ្ជាក់ទៀតថា តែខ្មៅមិនបានកាត់បន្ថយការប្រឈមនឹងជំងឺមហារីកសុដន់, ក្រពះ ឬពោះវៀនធំនិងចុងពោះវៀនធំឡើយ។
អំណះអំណាងដែលកាន់តែច្បាស់នោះគឺថា អង់ទីអុកស៊ីដង់ក្នុងតែខ្មៅប្រហែលជាជួយកាត់បន្ថយជំងឺក្រិនរឹងសរសៃឈាមបាន ជាពិសេសលើមនុស្សស្រីតែម្តង។ វាក៏ប្រហែលជាជួយកាត់បន្ថយជំងឺគាំងបេះដូងដែរ។
ការទទួលទានតែខ្មៅជាទៀងទាត់ក៏ប្រហែលជាជួយកាត់បន្ថយជំងឺមួយចំនួនដូចខាងក្រោមនេះ៖
- ជំងឺទឹកនោមផ្អែម
- កូឡេស្តេរ៉ុលឡើងខ្ពស់
- គ្រួសក្នុងតម្រងនោម
- ជំងឺ Parkinson
ប៉ុន្តែតម្រូវការនៃសិក្សាស្រាវជ្រាវបន្ថែមចំពោះឥទ្ធិពលរបស់តែបៃតងចំពោះជំងឺទាំងនេះត្រូវតែធ្វើបន្ថែមដើម្បីបញ្ជាក់អំពីភាពច្បាស់លាស់របស់វា។
អំណះអំណាងដំបូងដែលបញ្ជាក់អំពីការប្រើប្រាស់តែខ្មៅរយៈពេលយូរនោះគឺថា វាក៏ប្រហែលជាជួយការពារខ្លួនពីជំងឺដូចជា៖
- ជំងឺពុកឆ្អឹង
- ជំងឺមហារីកសួត
ប៉ុន្តែការសិក្សាជាលក្ខណៈទ្រង់ទ្រាយធំត្រូវតែធ្វើដើម្បីបញ្ជាក់អោយបានច្បាស់អំពីរឿងនេះ។
សារធាតុចម្រាញចេញពីតែបៃតងត្រូវបានគេដាក់លក់ជាថ្នាំបំប៉ន។ ពេលខ្លះ ថ្នាំបំប៉ននេះមានទាំងប្រភេទឬសឈើផ្សេងៗ, វីតាមីន ឬជាតិរ៉ែ។
ការផឹកទឹកតែខ្មៅក្នុងកម្រិតមធ្យម (មួយទៅបួនពែងក្នុងមួយថ្ងៃ) ប្រហែលជាជួយបង្កើនសម្ពាធឈាមបានបន្តិច ប៉ុន្តែឥទ្ធិពលរបស់វាមិនមានរយៈពេលយូរនោះទេ។ ការផឹកក្នុងចំនួនដូចគ្នានេះមិនមានជាប់ពាក់ព័ន្ធនឹងការលើសសម្ពាធឈាមរយៈពេលយូរឡើយ។
ការសិក្សាជាលើកដំបូងលើមនុស្សបានបង្ហាញអោយដឹងថា ថ្នាំបំប៉នប្រភេទតែខ្មៅអាចបង្កើនការរំលាយអាហារ និងសម្ពាធឈាមបាន។ ការប្រែប្រួលសម្ពាធឈាមអាចជារឿងមួយគួរអោយបារម្ភ។ ទោះបីជាយ៉ាងណាក៏ដោយ ការកើនឡើងតិចតួចប្រហែលជាមានប្រយោជន៍ចំពោះអ្នកវិលមុខដោយសារតែសម្ពាធឈាមចុះខ្សោយពេលក្រោកឈរ៕