កង្វះខាតនៃសារធាតុចិញ្ចឹមណាមួយ អាចនាំទៅរកបញ្ហាសុខភាពខួរក្បាល។ បើទោះបីជាតិចតួចក្តី ក៏វាអាចនាំអោយខូចមុខងាររបស់ខួរក្បាលផងដែរ។
មានការសិក្សាជាច្រើនបានបង្ហាញថា ការបរិភោគអាហារដែលមានតុល្យភាពជាមួយនឹងខ្លាញ់ដែលមានសុខភាពល្អ និងអាស៊ីតខ្លាញ់អូមេហ្គា ៣ គឺជាកត្តាចាំបាច់សម្រាប់មុខងាររបស់ខួរក្បាលទាំងអស់។
វីតាមីន B គឺជាវីតាមីននៃប្រព័ន្ធសរសៃប្រសាទ ហើយយើងត្រូវការវាសម្រាប់មុខងារសំខាន់ៗជាច្រើន លើគ្រប់កោសិកាក្នុងរាងកាយ។ វីតាមីន B មានសារៈសំខាន់សម្រាប់ការផលិតអ័រម៉ូន គ្រប់គ្រងភាពតានតឹង និងការរំលាយអាហារពពួកកាបូអ៊ីដ្រាត ប្រូតេអ៊ីន និងខ្លាញ់នេះ។
កង្វះវីតាមីន B មិនមែនជារឿងដែលកើតមានច្រើននោះទេ តែបើមាន វាអាចបណ្តាលអោយមានជំងឺទាំងផ្នែកផ្លូវចិត្ត និងផ្លូវកាយជាច្រើន។ អ្នកដែលមានបញ្ហាមិនអាចផ្តោតអារម្មណ៍ បញ្ហារដូវ ឬបញ្ហាអ័រម៉ូនដទៃទៀត គេងមិនលក់ ជំងឺធ្លាក់ទឹកចិត្ត ឬស្ទើរតែបញ្ហាសុខភាពផ្លូវចិត្តផ្សេងទៀត អ្វីដែលអ្នកគួរតែគិតដំបូងគេ គឺបញ្ហាកង្វះវីតាមីន B៕