Join with Health.com.kh on Telegram

​សារជាតិ​ដែក គឺ​បាន​ជួយ​ដល់​កោសិកា​គ្រាប់​ឈាម​ក្រហម ក្នុង​ការបញ្ជូន​នូវ អុកស៊ីសែន​ពី​ក្នុង​សួត ទៅកាន់​កោសិកា​ផ្សេងៗ​ទៀត នៅក្នុង​រាងកាយ​។ នៅពេល​អុកស៊ីសែន​ទាំងនោះ ត្រូវបាន​បញ្ជូន​ហើយ នោះ​សារជាតិ​ដែក បាន​ជួយ​កោសិកា​គ្រាប់​ឈាម​ក្រហម ក្នុង​ការដឹកជញ្ជូន​ត្រលប់​មកវិញ នូវ​កាកសំណល់​នៃ​កាបូនឌីអុកស៊ីត ចូលទៅ​ក្នុង​សួត និង បញ្ចេញ​មក​ក្រៅ តាមរយៈ​ការដក​ដង្ហើមចេញ​។ សារជាតិ​ដែក ក៏​មាន​តួនាទី​ផងដែរ នៅក្នុង​ប្រតិកម្ម​គីមី​សំខាន់ៗ ជាច្រើន​នៅក្នុង​រាងកាយ​។​
 
​ខាងក្រោម​នេះ​គឺជា កម្រិត​ដូស​នៃ​ការប្រើប្រាស់​ថ្នាំ​គ្រាប់​សារជាតិ​ដែក តាម​ការ​លេប​៖

  • សម្រាប់​ការព្យាបាល នូវ​កង្វះ​សារជាតិ​ដែក​ចំពោះ​មនុស្សពេញវ័យ គឺ ត្រូវ​លេបថ្នាំ​គ្រាប់​សារជាតិ ដែក​នេះ ក្នុង​កម្រិត​ពី ៥០ ទៅ ១០០​មី​លី​ក្រាម អោយបាន​៣​ដង​ជា​រៀងរាល់ថ្ងៃ​។ ហើយ​សម្រាប់ ការព្យាបាល​ចំពោះ​កុមារ​ដែល​មាន​កង្វះ​សារជាតិ​ដែក ដោយសារ​ការ​ខ្វះ​គ្រាប់​ឈាម​ក្រហម កម្រិត​ដូសរ​បស់​វា​នោះ​គឺ ៤ ទៅ ៦ មី​លី​ក្រាម ក្នុង ១​គីឡូក្រាម​នៃ​ទំងន់​រាងកាយ​របស់​កុមារ ក្នុង​រយៈពេល ១​ថ្ងៃ និង ត្រូវ​បែងចែក​ជា ៣​ដូស​។ សម្រាប់​មនុស្សពេញវ័យ និង កុមារ នោះ​ការ ព្យាបាល​ក្នុង​រយៈពេល ២ ទៅ ៣​ខែ អាច​កែប្រែ​នូវ​ស្ថានភាព​នៃ​ជំងឺ​ខ្វះ​ឈាមក្រហម ប៉ុន្តែ​វា ប្រហែលជា​មិន​អាច ស្ថាបនា​ឡើង​វិញ​នូវ ការ​ស្តុក​ទុក​នៃ​សារជាតិ​ដែក ក្នុងការ​ផ្គត់ផ្គង់​ដល់ រាងកាយ​នោះទេ​។ ដូច្នេះ​ការព្យាបាល ជាធម្មតា ត្រូវ​បាន​បន្ត​ក្នុង​រយៈពេល ៦​ខែ​ផ្សេងទៀត ដើម្បី ពង្រឹង​នូវ សារជាតិ​ដែក​នៅក្នុង​រាយ​កាយ​ឡើងវិញ ។​
  • ​សម្រាប់​ការ បង្ការ​នូវ​កង្វះ​សារជាតិ​ដែក​ចំពោះ​កុមារ វិទ្យាស្ថាន​សិក្សា​នៃ​ជំងឺ​កុមារ​របស់​សហរដ្ឋ អាមេរិក​បាន​ធ្វើ​ការណែនាំ អោយ​ផ្តល់​នូវ​សារជាតិ​នេះ​ចំពោះ ក្រុម​កុមារ​មួយចំនួន​។  ចំពោះ​កុមារ តូចៗ ដែល​បាន​ទទួល​ការបំ​បៅដោះ​ម្តាយ នោះ​គួរ​ត្រូវធ្វើ​ការផ្តល់​នូវ​ថ្នាំ​គ្រាប់​ជាតិ​ដែក ក្នុង​កម្រិត ១​មី​លី​ក្រាម​/ ១​គីឡូក្រាម ក្នុង​រយៈពេល​១​ថ្ងៃ អោយ​កុមារ​ដែល​អាយុ​ចាប់ពី ៤ ទៅ ៦​ខែ​។ ហើយ កុមារ​តូចៗ​ដែល​មាន​អាយុ​ពី ៦ ទៅ ១២​ខែ គួរ​ទទួលបាន​នូវ​ជាតិ​ដែក ក្នុង​កម្រិត ១១​មី​លី​ក្រាម /​ថ្ងៃ ពី​ប្រភេទ​អាហារ​ផ្សេង ឬ ថ្នាំ​សារជាតិ​គ្រាប់​បន្ថែម​។
  • ​សម្រាប់​កុមារ ដែល​កើត​មិន​គ្រប់​ខែ គឺ​ត្រូវបាន​ណែនាំ​នូវ​ការប្រើប្រាស់​ថ្នាំ​គ្រាប់​ជាតិ​ដែក​នេះ ក្នុង កម្រិត ២​មី​លី​ក្រាម​/ គីឡូក្រាម ក្នុងពេល​១​ថ្ងៃ សម្រាប់​រយៈពេល ១​ឆ្នាំ​ដំបូង​នៃ​អាយុកាល​របស់ ពួកគេ​។ ហើយ​វា​គួរតែ​បន្ត រហូតដល់​ពេល ដែល​ទារក​ផ្លាស់​បៅ​ទឹកដោះគោ​ម្ស៉ៅ ឬ បើ​មិន​ដូច្នេះ​ទេ គេ​ត្រូវ​ទទួលបាន​នូវ​សារជាតិ​ដែក​អោយបាន គ្រប់គ្រាន់ ពី​ប្រភេទ​អាហារ ដែល មាន​ផ្ទុក​វា​។​សម្រាប់​ទារក ដែល​បាន​បៅ​ទឹកដោះគោ​ម្ស៉ៅ គឺ​អាច​ទទួលបាន​សារជាតិ​ដែក​គ្រប់ គ្រាន់​ពី ម្ស៉ៅ​ទឹកដោះគោ​ទាំងនោះ​។ សម្រាប់​កុមារ​ដែល​ចេះ​ដើរ ដែល​មាន​អាយុ​ចាប់ពី ១ ទៅ ៣​ឆ្នាំ ជាធម្មតា អាច​ធ្វើ​ការទទួលបាន​នូវ​សារជាតិ​ដែក គ្រប់គ្រាន់​បាន តាមរយៈ​ការបរិភោគ អាហារ ដើម្បី​អោយ​បាន​ទទួល​នូវ​កម្រិត​ដូច​តាម​ដែល​ការណែនាំ គឺ ៧​មី​លី​ក្រាម ក្នុង​រយៈពេល ១​ថ្ងៃ​។ តែ​ទោះជា​យ៉ាងណាក៏ដោយ ការទទួល​ថ្នាំ​គ្រាប់​សារជាតិ​ដែក អាច​នឹង​ត្រូវ​ការបន្ថែម ប្រសិនបើ​វា​ចាំបាច់​។​
  • ​សម្រាប់​ការពង្រឹង​ដល់​ការរៀនសូត្រ និង ជំនាញ​ក្នុង​ការគិត ចំពោះ​មនុស្ស​ជំទង់​ដែល​មាន​កង្វះ សារជាតិ​ដែក គឺ​ត្រូវ​ប្រើ ពពួក ferrous sulfate ៦៥០​មី​លី​ក្រាម ពីរ​ដង​ក្នុង​មួយថ្ងៃ​៕