Join with Health.com.kh on Telegram

ក្រសួងសុខាភិបាល​បាន​ប្រកាស​អោយ​ដឹង​ថា​មេរោគ​កូ​វី​ដ​១៩​បំប្លែង​ថ្មី​ប្រភេទ​ដែល​តា​បាន​វាយលុក​ចួ​ល​ដល់​សហគមន៍​នៅ​ក្នុង​ប្រទេស​កម្ពុជា​ហើយដោយ​អំពាវនាវ​អោយ​ប្រជាជន​កម្ពុជា​ទាំងអស់​បង្កើន​ការ​ប្រុង​ប្រយ័ត្ន​កាន់តែ​ខ្ពស់​ដើម្បី​ទប់ស្កាត់​ការ​ឆ្លង​រាលដាល​មេរោគ​កូ​វី​ដ​១៩​។

ក្រសួង​បានអោយ​ដឹង​ថា​ការ​ឆ្លង​សហគមន៍​នោះ​បាន​កើត​មាននៅ​ក្នុង​ខេត្តសៀមរាប ឧត្តរមានជ័យ​និង កំពង់ធំ​។ តាម​សេចក្តី​ប្រកាស​ព័ត៌មាន​របស់​ក្រសួងសុខាភិបាល​បានអោយ​ដឹង​ថា បាន​រក​ឃើញ​មេរោគ បំប្លែង​ថ្មី​ដែល​តា​៨​ករណី​កាលពី​ថ្ងៃ​ទី​២៥​ខែកក្កដា លើ​ប្រជាពលរដ្ឋ​ស្ថិត​ក្នុង​សហគមន៍​មិន​ប៉ះពាល់ ជាមួយ​អ្នកដំណើរ​មក​ពី​ក្រៅប្រទេស​។ ពួក​គេ​ស្ថិត​នៅ​ក្នុង​ខេត្តសៀមរាប ឧត្តរមានជ័យ និង កំពង់ធំ​។

ការ​ឆ្លង​ចូល​សហគមន៍​បែប​នេះ​គឺជា​ការ​ប្រកាស​អាសន្ន​មួយ​អោយ​ប្រជាជន​កម្ពុជា​ទាំងអស់​ត្រូវ​តែ​ប្រុង​ប្រយ័ត្ន​ខ្ពស់​បំផុត​ដើម្បី​កុំអោយ​មានការ​ឆ្លង​រាលដាល​កាន់តែ​ធ្ងន់​ទៅ​ៗ​ហួស​ពី​សមត្ថភាព​គ្រប់គ្រង​ដូចដែល​បានឃើញ​នៅ​ប្រទេស​ឥណ្ឌា​និង​ប្រទេស​មួយ​ចំនួន​ទៀត​។

ការ​ថ្លោះធ្លោយ​ណាមួយ​ដែល​បណ្តាល​មក​ពី​ការ​មិន​គោរព​តាម​វិធាន​សុខាភិបាល​នឹង​រុញច្រាន​ស្ថានភាព​កូ​វី​ដ​១៩​នៅ​កម្ពុជា​ដែល​ធ្ងន់​ស្រាប់​ទៅ​ហើយ​នោះ អោយ​កាន់តែ​ធ្ងន់ធ្ងរ​ថែម​ទៀត​ដោយ​បណ្តាល​អោយ មាន​មហន្តរាយ​ទាំង​ជីវិត​មនុស្ស​និង​សេដ្ឋកិច្ច​។

រហូត​មក​ដល់​ពេល​នេះ កម្ពុជា​បាន​រក​ឃើញ​មេរោគ​កូ​វី​ដ​១៩​ប្រភេទ​បំប្លែង​ថ្មី​សរុប​១១៤​នាក់​។

ចំណែក​ចំនួន​អ្នក​ឆ្លង​កូ​វី​ដ​១៩​ស​សរុប​មាន​ចំនួន​ជាង​៧៣៧០០​នាក់ ហើយ​អ្នក​ស្លាប់​វិញ​មាន ចំនួន​១៣០៥​នាក់​៕