Join with Health.com.kh on Telegram

​ការឈឺចាប់​បែប​រមួលៗ ហើម​ពោះ ធ្លាក់​ឈាមរដូវ​ច្រើនៗ និង​ការឈឺ​ខ្នង តែងតែ​ជា​អាការៈ​នៃ​ការឈឺចាប់​ក្នុងពេលមក​រដូវ ដែល​វា​ជា​រឿង​មិន​អាច​នឹង​ចៀស​រួច​ទេ ហើយ​វា​ក៏​ត្រូវបាន​ស្ត្រី​គ្រប់រូប​គិតថា ជា​ថ្ងៃ​ដ៏​អាក្រក់​សម្រាប់​ពួកគេ​ដែរ​។ ការ​មក​រដូវ​មិនមែន​ត្រឹម​តែ​និយាយ​អំពី​ការប្តូរ​សម្លី​អនាម័យ និង​ពិបាក​ពេញ​មួយ​ថ្ងៃ ហើម​ពោះ ឬ​ឈឺចាប់​ទេ តែ​វា​អាច​ជា​អ្វីមួយ​ដែល​កំពុង​តែ​ប្រាប់​អ្នក​ថា មាន​អ្វី​មួយ​ខុស​ប្រក្រតី​ចំពោះ​សុខភាព​ដែរ​ដូចជា​៖

កង្វះ​គ្រាប់​ឈាម​
កាលណា​ការធ្លាក់​ឈាមរដូវ​ច្រើនៗ និង​ច្រើន​ថ្ងៃ វា​ពិត​ជា​សញ្ញា​បញ្ជាក់​ដ៏​ច្បាស់​មួយ​ថា​អ្នក​មាន​បញ្ហា​កង្វះ​គ្រាប់​ឈាម​ហើយ​។ អាការៈ​របស់​វា​អាច​ជា ការ​អស់កម្លាំង​ខ្លាំង ស្លេកស្លាំង វិលមុខ ឬ​សន្លប់ និង​ពិបាក​ដកដង្ហើម​។ ដើម្បី​ចៀសវាង​បញ្ហា​នេះ ស្ត្រី​គួរតែ​ធ្វើយ៉ាងណា​ញ៉ាំ​អាហារ​សម្បូរ​ជាតិ​ដែក​ឲ្យបាន​ច្រើន​ជា​ពិសេ​សសាច់ក្រហ​ម​តែម្តង​។

មាន​បញ្ហា​លើ​ក្រពេញ​ទី​រ៉ូ​អ៊ីត​
ឈាមរដូវ​ត្រូវបាន​បញ្ជា​ឲ្យ​កើតឡើង​តាមរយៈ​អ័រម៉ូន ហើយ​ក្រ​ពេញទី​រ៉ូ​អ៊ី​តដើរតួនាទី​ដ៏​ធំ​មួយ​ចំពោះ​រឿង​នេះ​ដែរ​។ វា​ជា​អ្នក​សម្រួល​ដល់​ការរំលាយ​អាហារ និង​ទម្ងន់​រាងកាយ​ដែរ​។ ដូច្នេះ​បើ​សិន​ជា​អ្នកឃើញ​មាន​ការប្រែប្រួល​របស់​ឈាម​រដូវ ដូចជា ធ្លាក់​ឈាមរដូវ​ច្រើនៗ ឬ​តិច មក​រដូវ​មិន​ទៀង យក​ល្អ​គួរតែ​ឲ្យ​ពេទ្យ​ពិនិត្យ​កម្រិត​អ័រម៉ូន​ទី​រ៉ូ​អ៊ី​តហើយ​។​

មាន​ជំងឺ Endometriosis
ឈឺចាប់​បែប​រមួលៗ​ដែល​ទ្រាំ​មិនបាន អាច​ដោយសារ​តែ​អ្នក​កំពុងតែ​មាន​ជំងឺ Endometirosis ដែល​ប្រភេទ​ជំងឺ​ម្យ៉ាង​ដោយ​កោសិកា​វា​មាន​លក្ខណៈ​ដូច​ស្បូន បែរជា​មាន​វត្តមាន​នៅ​ផ្នែក​ផ្សេងៗ​នៃ​រាងកាយ​ទៅវិញ​។

ញ៉ាំ​អាហារ​មិន​គ្រប់គ្រាន់​
បើសិនជា​ស​ន្ទ​ស្សន៍​ទម្ងន់​ធៀប​កម្ពស់ (BMI) អ្នក​ទាប​ជាង ១៨ ឬ​ញ៉ាំ​អាហារ​តិចៗ​ទៀត​នោះ វា​អាច​ជា​កត្តា​មួយ​ដែល​នាំឲ្យមាន​បញ្ហា​ដល់​ការម​ករដូ​វ​ដែរ​។ ការ​ញ៉ាំ​អាហារ​មិន​បាន​គ្រប់គ្រាន់ ជា​មូលហេតុ​មួយ​នាំ​ឲ្យ​មិន​មាន​មក​រដូវ ដោយសារ​តែ​ស្រក​ទម្ងន់​លឿន​ពេក​។​

មាន​ជំងឺ​ទឹកនោម​ផ្អែម​
ស្ត្រី​ធាត់ ដែល​ច្រើនតែ​មិនឃើញ​មក​រដូវ ប្រហែល​ជា​កំពុងតែ​មាន​ជំងឺ​ទឹកនោម​ផ្អែម​ប្រភេទ​ទី​២​ហើយ​។ ស្ត្រី​ដែល​មាន​ជំងឺ​នេះ​ទំនង​ជា​ងាយ​មាន​បញ្ហា​នៃ​ការ​មក​រដូវ​ណាស់​មុនពេល​ពួកគេ​អាយុ ៣០​ឆ្នាំ​។

ដុំ​សាច់​ប៉ូ​លី​ពនៅ​មាត់ស្បូន​
វា​គឺជា​ដុំ​សាច់​មួយ​ប្រភេទ​ដែល​អាច​នាំឲ្យ​មាន​ការធ្លាក់​ឈាមរដូវ​ច្រើនៗ​ខុស​ពី​ធម្មតា ឡើង​កន្ទួល​លើ​ស្បែក ហូរ​ឈាម​ក្រោយ​រួមភេទ​រួច និង​ចេះ​តែ​មិន​ស្រួល​ខ្លាំង​នៅ​តំបន់​ទ្វារមាស​។ នៅលើ​លោក​យើង​នេះ មាន​ស្ត្រី​ប្រមាណ ៤​ភាគរយ​នឹងមាន​ដុំ​សាច់​ប្រភេទ​នេះ​ក្នុង​ពេលវេលា​ណាមួយ​នៃ​ជីវិត​។​

ស្ត្រេ​ស​
នៅ​ពេល​អ្នកស្ត្រេស​ច្រើនពេក នោះ​រដូវ​អាច​នឹង​ប្រែប្រួល ឬ​ខានមក​ជាមិនខាន​។ ប៉ុន្តែ​បើសិនជា​អ្នក​អាច​ដោះស្រាយ​បញ្ហា​នេះ​បាន ភាព​ធម្មតា​នឹង​កើតឡើង​វិញ​បាន​៕