ធម្មតា សម្រាប់ប្រជាជនខ្មែរយើង ឲ្យតែលឺពាក្យថាមហារីក គេតែងតែខ្លាចរអាជានិច្ច។ ទោះបីជាយ៉ាងនេះក្តី បើនិយាយដល់ជំងឺមហារីកសុដន់វិញ វាពិតជាសោធនាថកម្មមួយសម្រាប់ស្ត្រីគ្រប់រូប ព្រោះតែជំងឺនេះតែងតែកើតមានលើមនុស្សស្រីប៉ុណ្ណោះ។ ដូច្នេះដើម្បីកាត់បន្ថយការកើតជំងឺមហារីកសុដន់ យកល្អគួរតែធ្វើទៅតាមគន្លឹះថែរក្សាសុខភាពសំខាន់ៗដូចខាងក្រោមនេះទៅ៖
ញ៉ាំអាហារផ្តល់សុខភាព
ចូរញ៉ាំអាហារណាដែលសម្បូរទៅដោយជាតិបន្លែ និងគ្មានអាមីដុងដូចជា ប្រូខូលី ផ្កាខាត់ណា ស្ពៃក្តោប ឬឆៃថាវជាដើម។
ប្រយ័ត្នចំពោះផលិតផលថែរក្សាស្បែក
យកល្អគួរតែផ្លាស់ប្តូរផលិតផលថែរក្សាស្បែកទាំងអស់របស់អ្នកមកប្រើរបស់ធម្មជាតិវិញទៅ។ អ្វីដែលសំខាន់នោះគឺថា អ្នកត្រូវស្វែងយល់អំពីផលិតផលដែលអ្នកទិញមកប្រើនោះថាមានជាតិគីមីច្រើនឬអត់ និងមានធាតុផ្សំជាធម្មជាតិ។
កុំប្រើអាវទ្រនាប់ដែលមានខ្សែលួសខាងក្នុងដៃអាវទៀត
ការដែលប្រើប្រាស់ផលិតផលបែបនេះអាចនឹងរំខានដល់លំហូរទឹករងៃនៅជុំវិញសុដន់បាន និងជាហេតុផលដ៏សំខាន់នៃជំងឺមហារីកសុដន់ហើយ។
ថែរក្សាកម្រិតវីតាមីន D ក្នុងខ្លួនឲ្យនៅហ្នឹងល្អ
ចូរប្រាកដថា កម្រិតវីតាមីន D ក្នុងខ្លួនគឺធម្មតា ព្រោះវាអាចនឹងជួយប្រព័ន្ធភាពស៊ាំក្នុងការប្រឆាំងនឹងជំងឺដែរ។ ការស្រាវជ្រាវក៏បានបង្ហាញថា មានស្ត្រីកើតជំងឺមហារីកសុដន់នៅរស់ច្រើនណាស់នៅពេលកម្រិតវីតាមីន D ក្នុងឈាមពួកគេថែរក្សាបានខ្ពស់ល្អ។
សរុបមក ថ្វីបើគន្លឹះទាំងបួននេះពិតជារឿងសាមញ្ញៗមែនក៏ដោយ តែវាមានប្រសិទ្ធភាពបំផុត។ ក្រៅពីនេះ អ្នកក៏អាចសាកល្បងវិធីបង្ការផ្សេងៗទៀតបានដែរ ដូចជា ការហាត់ប្រាណ គ្រប់គ្រងភាពស្ត្រេស គេងឲ្យបានគ្រប់គ្រាន់ និងពិនិត្យរកមើលជំងឺមហារីកសុដន់ជាទៀងទាត់។