បើសិនជាអ្នកកំពុងតែព្យាយាមមានផ្ទៃពោះ ជាពិសេសជាលើកដំបូងទៀតនោះ វាអាចនឹងមានការពិបាកយល់ ឬសង្ស័យថាអ្វីៗធម្មតាឬអត់ណាស់។ អ្វីដែលជាការបារម្ភធំជាងគេនោះគឺថាពេលណាដឹងថាវាជាការរលូតកូន ជាពិសេសបើសិនជាអ្នកធ្លាប់ជួបអាការៈនេះម្តងរួចហើយ។ យ៉ាងណាមិញ សម្រាប់ដំណាក់កាលដំបូងនៃការមានផ្ទៃពោះ ជាពិសេសត្រីមាសដំបូង បើសិនជាមានអាការៈឡើងកន្ទួលលើស្បែកនៅទ្វារមាស ឬធ្លាក់ឈាម វាអាចជាសញ្ញាបញ្ជាក់ថា រលូតកូនហើយ។
បើសិនជាអ្នកមិនមករដូវច្រើនជាងមួយខែ ឬមួយខែកន្លះ រឿងដំបូងគេដែលត្រូវគិតគឺធ្វើតេស្តរកមើលការមានផ្ទៃពោះ។ ទោះបីជាយ៉ាងណាក៏ដោយ ក្នុងករណីខ្លះ ការដែលក្រមករដូវ អាចជាសញ្ញាមួយនៃការក្រជ្រុះអូវ៉ុល ហើយក៏មិនបញ្ជាក់ថារលូតកូនដែរ។
យ៉ាងណាមិញ មានករណីច្រើនណាស់ដែលស្ត្រីមិនមករដូវ ហើយពេលធ្វើតេស្តរកមើលមានផ្ទៃពោះទៅឃើញវិជ្ជមាន។ ប៉ុន្តែបើសិនជានាងឃើញមានការធ្លាក់ឈាមរដូវនៅរយៈពេល ១៥ថ្ងៃក្រោយ នោះអាចជាសញ្ញាមិនល្អមួយដែលបញ្ជាក់ថា ការមានផ្ទៃពោះ ឬកូនក្នុងផ្ទៃមិនមានជីវិតរស់នៅទេ។
ដូច្នេះ បើសិនជាអ្នកមានផ្ទៃពោះ ប៉ុន្តែមានការចេញកន្ទួលលើស្បែក ឬធ្លាក់ឈាមរយៈពេលមួយខែ ឬពីរខែ យកល្អគួរតែពិគ្រោះជាមួយអ្នកជំនាញខាងរោគស្ត្រីដើម្បីធ្វើតេស្តមើលថាមានអ្វីមួយខុសប្រក្រតីឬអត់ចំពោះការមានផ្ទៃពោះរបស់អ្នក៕