ប្រូតេអ៊ីននៅក្នុងឈាមខ្ពស់គឺជាការកើនឡើងនូវ កម្រិតដ៏ខ្ពស់នៃសារជាតិប្រូតេអ៊ីននៅក្នុងចរន្តឈាម។ ជាធម្មតា, ឈាមមានបរិមាណតិចតួចនៃប្រភេទជាច្រើននៃប្រូតេអ៊ីន។ គម្រូនៃឈាមដែលបានយកពីសរសៃឈាមវ៉ែនអាចត្រូវបានគេធ្វើតេស្តដើម្បីវាស់បរិមាណនៃប្រូតេអ៊ីនផ្សេងៗគ្នានៅក្នុងឈាមរបស់អ្នក។
មូលហេតុ
ប្រូតេអ៊ីននៅក្នុងឈាមខ្ពស់អាចត្រូវបានបង្កឡើងដោយការខ្វះជាតិទឹក, ការកើនឡើងកំហាប់ប្រូតេអ៊ីននៅក្នុងចរន្តឈាមរបស់អ្នកជាដើម។ ក្នុងករណីនេះ, គឺមានតែកម្រិតប្រូតេអ៊ីននៅក្នុងឈាមប៉ុណ្ណោះ ដែលបានលេចឡើងខ្ពស់។ ប្រូតេអ៊ីននៅក្នុងឈាមខ្ពស់អាចជាសញ្ញាប្រាប់ពីការរលាករ៉ាំរ៉ៃ ឬមានការឆ្លងមេរោគ ជាពិសេសនៅលើថ្លើម។ កម្រិតខ្ពស់នៃប្រូតេអ៊ីននៃប្រព័ន្ធភាពស៊ាំត្រូវបានផលិតដោយខួរឆ្អឹងខ្នងអាចបង្កើនការព្រួយបារម្ភអំពីជំងឺនៃខួរឆ្អឹងខ្នងមួយចំនួនផងដែរ។
កម្រិតប្រូតេអ៊ីនខ្ពស់ក៏អាចត្រូវបានរកឃើញដោយចៃដន្យប្រសិនបើតេស្តមើលប្រូតេអ៊ីនសរុបត្រូវបានធ្វើក្នុងការពិនិត្យសុខភាពជាប្រចាំនោះ។
មូលហេតុនៃប្រូតេអ៊ីនខ្ពស់នៅក្នុងឈាមរួមមានៈ
– ជំងឺលើខួរឆ្អឹងខ្នង
– ជំងឺ Amyloidosis
– ខ្វះជាតិទឹក
– ជំងឺអេដស៍
– ជំងឺ Monoclonal gammopathy
ចំណីអាហារដែលសំបូរទៅដោយប្រូតេអ៊ីនមិនបណ្តាលអោយមានប្រូតេអ៊ីននៅក្នុងឈាមខ្ពស់នោះទេ។
នៅពេលណាដែលគួរទៅជួបនឹងគ្រូពេទ្យ
សូមទៅជួបគ្រូពេទ្យប្រសិនបើអ្នកមានៈ
– ចង្អោរ ឬញ៉ាំមិនបាន
– រាគ
– ចុះទម្ងន់មិនមានមូលហេតុ
– អស់កម្លាំងខ្លាំង
– ក្តៅជាប់រហូត
– ឈឺ ឬស្ពឹកចុងដៃ និងចុងជើង
– វិលមុខ ឬធ្លាក់សម្ពាធឈាមនៅពេលដែលឈរ ឬអង្គុយ
ប្រសិនបើគ្រូពេទ្យសង្ស័យថាអ្នកមានបញ្ហាដែលបណ្តាលអោយប្រូតេអ៊ីននៅក្នុងឈាមកើនឡើង, គាត់អាចណែនាំអោយអ្នកធ្វើតេស្តឈាម។ តេស្តប្រូតេអ៊ីនសរុបអាចកំនត់ថាតើអ្នកមានកម្រិតប្រូតេអ៊ីននៅក្នុងឈាមខ្ពស់ ឬថាតើវាបណ្តាលមកពីមូលហេតុអ្វី ដូចជាថ្លើម ឬខួរឆ្អឹងខ្នងជាដើម។