ដោយសារតែសម័យថ្មីនេះ ឪពុកម្តាយភាគច្រើនរវល់ធ្វើការ ដូច្នេះ មានតែជីដូនជីតានេះហើយ ដែលជាអ្នកបង្ហាត់បង្រៀន និងអប់រំកូនចៅ។
ក្តីស្រឡាញ់របស់ជីដូនជីតា ដែលមានចំពោះចៅ គឺពិសេស និងអស្ចារ្យបំផុត គ្មានអ្វីប្រៀបស្មើបានឡើយ គឺស្រឡាញ់ ដោយគ្មានហេតុផល ទោះបីអាក្រក់ ខ្មៅ ឬខ្វះកាយសម្បទាណាមួយក្តី។
• កូនក្មេង ទទួលអារម្មណ៍កក់ក្តៅ ពីជីដូនជីតារបស់ពួកគេ
• ជីដូនជីតា មើលថែទាំ ថ្នាក់ថ្នម និងស្រឡាញ់គេ ជាងឪពុកម្តាយ
• កូនក្មេងនឹងមានទំនួលខុសត្រូវ គោរព និងស្រឡាញ់ខ្លួនឯង ច្រើនជាងក្មេងដែលគ្មានជីដូនជីតា
• កូនក្មេង បានទទួលការបង្ហាត់បង្រៀនបន្ថែម ដូច្នេះ គេអាចនឹងពូកែ និងក្លាយជាក្មេងមានទំនាក់ទំនងល្អ ជាមួយអ្នកដ៏ទៃ
• កូនក្មេង នឹងមានអារម្មណ៍ពិសេស ពីព្រោះគេមានជីដូនជីតា បន្ថែមពីលើឪពុកម្តាយ
• កូនក្មេង ទទួលបានជំនាញ ការងារ និងការកំសាន្ត ពីជីដូនជីតារបស់គេ
• កូនក្មេង អាចនិយាយច្រើន រួសរាយ និងមានភាពរាក់ទាក់ គួរឲ្យស្រឡាញ់
• កូនក្មេង នឹងទទួលបានការមើលថែទាំ ជាពិសេស តាមដែលគេត្រូវការ៕