ដើមផ្កាមួយនេះមានឈ្មោះថា dieffenbachia ជាផ្កាដែលយើងចូលចិត្តដាំលំអក្នុងផ្ទះ ព្រោះវាមិនត្រូវការពន្លឺថ្ងៃទេ អាចលូតលាស់បានល្អនៅក្នុងម្លប់។
ក៏ប៉ុន្តែសូមប្រយ័ត្ន ព្រោះដើមផ្កាមួយនេះវាពុល។ បើតាមមជ្ឈមណ្ឌល le Centre Anti-poison នៅ Lille បើសិនជាជ័ររបស់ដើមផ្កាមួយនេះមកប៉ះជាមួយនឹងអណ្តាត វានឹងធ្វើឱ្យអណ្តាតនិងបំពង់កហើម ធ្វើឱ្យពិបាកលេបចំណីអាហារ និងដកដង្ហើម ហើយរមាស់យ៉ាងខ្លាំង។ វាមានប្រតិកម្មលឿនណាស់ចំពោះក្មេងៗ គឺត្រឹមតែ១នាទីតែប៉ុណ្ណោះ។ បើចំពោះមនុស្សចាស់ អាចដល់១៥នាទី។
ការបណ្តោយឱ្យជ័រនេះប៉ះជាមួយនឹងភ្នែកក៏មានគ្រោះថ្នាក់ខ្លាំងណាស់ដែរ។
ដូច្នេះសូមប្រយ័ត្នកុំឱ្យកូនក្មេង ឬសត្វដែលយើងចិញ្ចឹមទៅជិត។ បើយកល្អ កុំដាំវាតែម្តងទៅ ដើម្បីបង្ការគ្រោះថ្នាក់ដែលអាចកើតមានឡើងដោយចៃដន្យ។
បើសិនជាមានគ្រោះថ្នាក់កើតឡើង គេអាចប្រើឱសថក្រុម antihistaminique និងក្រុម analgésique ព្យាបាលការពុលជ័ររបស់ដើមផ្កានេះបាន។ ក៏ប៉ុន្តែយកល្អគេក៏ត្រូវធ្វើការលាងពោះវៀនចេញ ផងដែរ៕
