Join with Health.com.kh on Telegram

​ខណៈពេល​ប្រជាជន​ដែល​មិន​មាន​បញ្ហា​នៃ​ការ​បំបែក​អាហារ ពួកគេ​ក៏​អាច​មាន​រោគសញ្ញា​នៃ​ការ​កង្វះ​ជាតិ​ស្ករ​ក្នុង​ឈាម​ដែរ ហើយ​ពិត​ណាស់​អាការៈ​នេះ​ច្រើន​តែ​កើតមាន​ចំពោះ​អ្នកជំងឺ​ទឹកនោម​ផ្អែម (​ប្រភេទ​ទី​១ និង​ទី​២) ដែល​កំពុងតែ​ព្យាបាល​។ ចំពោះ​អ្នកជំងឺ​ត្រៀម​នឹង​ទឹកនោម​ផ្អែម​ដែល​ពួកគេ​មាន​អា​ការៈរេស៊ី​ស្តង់​នឹងអាំង​ស៊ុយ​លីន​ក៏​អាច​ធ្វើ​អោយ​ជាតិ​ស្ករ​ក្នុង​ឈាម​ចុះ​ទាប​ម្តងម្កាល​ដែរ​ប្រសិនបើ​កម្រិត​អាំង​ស៊ុយ​លីន​ឡើង​ខ្ពស់​។ ការ​កង្វះ​ជាតិ​ស្ករ​ក្នុង​ឈាម​ក៏​បណ្តាលមកពី​ មូលហេតុ​ដ៏​កម្រ​ផ្សេងៗ​ទៀត​ដូចជា ដុំ​សាច់​ក្នុង​លំ​ពែ​ក​ដែល​ផលិត ​អាំង​ស៊ុយ​លីន​ច្រើន (Insulinomas) និង​ការប្រើ​ថ្នាំ​។​


​ការព្យាបាល​ដ៏​ខ្លាំងក្លា​ទៅលើ​ជំងឺ​ទឹកនោម​ផ្អែម ច្រើនតែ​ជា​កត្តា​ធ្វើអោយ​អ្នកជំងឺ​ទៅ​ជា​មាន​អាកា​រៈ​កង្វះជាតិ​ស្ករ​ក្នុងឈាម នេះ​ដោយសារ​តែ​ថ្នាំ​ព្យាបាល​ជំងឺ​ទឹកនោម​ផ្អែម​នោះ​បញ្ចុះ​ជាតិ​ស្ករ​ខ្លាំងពេក​។ ឆ្លង​តាម​ការសិក្សា​ទ្រ​ង​ទ្រាយ​ធំៗ​ដែល​សង្កេត​ទៅលើ​ការគ្រប់គ្រង​ដ៏​ដិត​ដល់​ចំពោះ​ជំ​ទឹកនោមផ្អែម​ប្រភេទ​ទី​១ និង​ទី​២ ឃើញថា កាលណា​ពួកគេ​ប្រើ​វី​ធី​ព្យាបាល​ខ្លាំងក្លា​ពេក ច្រើន​តែ​បណ្តាលអោយមាន​បញ្ហា​កង្វះ​ជាតិ​ស្ករ​ទៅវិញ​។ យក​ល្អ ទាំង​គ្រូពេទ្យ និង​អ្នកជំងឺ​គួរតែ​ចេះ​កំណត់​គោលដៅ​  សម្រាប់​ព្យាបាល​ជំងឺ​ទឹកនោម​ផ្អែម ​ដោយ​ធ្វើយ៉ាងណា​កុំ​អោយ​បញ្ចុះ​ជាតិ​ស្ករ​ខ្លាំងពេក​។​