Join with Health.com.kh on Telegram

ទោះបីជាស្គាល់និងចូលចិត្តញ៊ាំបន្លែនេះប៉ុណ្ណាក៏ដោយ ក៏ភាគច្រើននៃពួកយើងប្រហែលជាមិនធ្លាប់ចាប់អារម្មណ៍ពីអត្ថប្រយោជន៍ដ៏ប្រសើរនៃ “ស្ពៃពួយឡេង” ចំពោះសុខភាពឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលលោកអ្នកគួររួមបញ្ចូលស្ពៃពួយឡេងក្នុងរបបអាហារប្រចាំថ្ងៃ ៖

១. ជាប្រភពដ៏ប្រសើរនៃជាតិប៉ូតាស្យូម

ប្រមាណ ៣០ក្រាមនៃស្ពៃពួយឡេងមានផ្ទុកប៉ូតាស្យូមដល់ទៅ ១៦៧មីលីក្រាមដែលស្មើនឹង ៥ភាគរយនៃតម្រូវការជាតិរ៉ែនេះប្រចាំថ្ងៃ។ បន្លែបៃតងនេះក៏ជាប្រភពដ៏ប្រសើរនៃជាតិដែកនិងកាល់ស្យូមផងដែរ។ ជាតិដែកល្អសម្រាប់រក្សាសុខភាពសក់ ទប់ស្កាត់អាការៈឆាប់ហត់អស់កម្លាំង និងកាត់បន្ថយហានិភ័យនៃជំងឺខ្វះគ្រាប់ឈាមក្រហម ខណៈដែលកាល់ស្យូមគាំទ្រឆ្អឹង ធ្មេញ និងសាច់ដុំបេះដូង។

២. បង្កើនការលូតកម្ពស់

 ស្ពៃពួយឡេងមានផ្ទុកសម្បូរទៅដោយកាល់ស្យូម វីតាមីន ជាតិដែក និងជាតិសសៃដែលចាំបាច់សម្រាប់ដំណើរការមុខងារប្រក្រតីនៃរាងកាយ។ សារធាតុចិញ្ចឹមទាំងនេះក៏សំខាន់សម្រាប់ការលូតលាស់បានត្រឹមត្រូវនៃកម្ពស់រាងកាយផងដែរ។

៣. ល្អសម្រាប់សុខភាពសួត

បន្លែស្លឹកបៃតងនេះ គឺមានផ្ទុកសម្បូរទៅដោយវីតាមីននិងជាតិរ៉ែ ព្រមទាំងសារធាតុ phytochemicals ដែលជួយទប់ស្កាត់ការបំផ្លាញកោសិកាពីសំណាក់រ៉ាឌីកាល់សេរី កាត់បន្ថយការរលាក និងប្រយុទ្ធប្រឆាំងជំងឺមហារីក។ ការទទួលទានស្ពៃពួយឡេងរាល់ថ្ងៃនឹងអាចជួយពង្រឹងប្រព័ន្ធភាពស៊ាំរាងកាយ ព្រមទាំងរក្សាសុខភាពសួតល្អប្រសើរ។

៤. ជួយគ្រប់គ្រងសម្ពាធឈាម

ស្ពៃពួយឡេងជាជម្រើសនៃបន្លែបៃតងដ៏ល្អបំផុតមួយសម្រាប់អ្នកជំងឺលើសឈាម។ នេះក៏ព្រោះតែស្ពៃពួយឡេងមានផ្ទុកសម្បូរទៅដោយប៉ូតាស្យូម សារធាតុ folate និងម៉ាញ៉េស្យូម។

៥. កាត់បន្ថយហានិភ័យនៃជំងឺពុកឆ្អឹង

បន្លែនេះជាប្រភពដ៏ប្រសើរនៃជាតិកាល់ស្យូម។ លើសពីនេះទៅទៀត ស្ពៃពួយឡេង ក៏មានផ្ទុកសម្បូរទៅដោយវីតាមីន K ដែលជួយរាងកាយក្នុងការស្រូបយកជាតិកាល់ស្យូមផងដែរ។

៦. សម្រួលការរំលាយអាហារ

បន្លែបៃតងដូចជាស្ពៃពួយឡេងមានផ្ទុកសម្បូរទៅដោយជាតិសសៃដែលល្អណាស់សម្រាប់ប្រព័ន្ធរំលាយអាហារ។

៧. ល្អសម្រាប់សុខភាពខួរក្បាល

ស្ពៃពួយឡេងមានផ្ទុកសម្បូរទៅដោយសារធាតុប្រឆាំងអុកស៊ីតកម្ម និងសារធាតុចិញ្ចឹមរួមបញ្ចូលទាំងវីតាមីន K សារធាតុ Folate សារធាតុ lutein និងវីតាមីន A ដែលល្អសម្រាប់រក្សាសុខភាពខួរក្បាល៕