Join with Health.com.kh on Telegram

​ជំងឺគ្រុនចាញ់​គឺជា​ជំងឺ​ម្យ៉ាង​ដែល​មាន​បញ្ហា​ជា​ការញាក់ និង​ក្តៅខ្លួន​ម្តង់​ហើយ​ម្តង់ទៀត ហើយ​បង្ក​ឡើង​ដោយ​ប៉ា​រ៉ា​សិត​មួយ​ប្រភេទ​ដែល​ចម្លង​តាមរយៈ​សត្វ​មូស ។ ជំងឺគ្រុនចាញ់​បាន​សម្លាប់​មនុស្ស​ប្រហែល​ជា ១​លាន​នាក់​ហើយ​ក្នុង​មួយឆ្នាំៗ​ទូ​ទាំង​ពី​ភព​លោក ។​
 

​ខណៈពេល​ដែល​ជំងឺ​នេះ​មិនសូវ​កើតមាន​ក្នុង​អាកាសធាតុ​ត្រជាក់​បង្គួរ តែ​វា​នៅតែ​កើតមាន​ច្រើន​ក្នុង​ប្រទេស​តំបន់​ត្រូពិច​ដដែល ។ មន្ត្រីរាជការ​សុខភាព​ពិភពលោក​កំពុង​តែ​ព្យាយាម​កាត់បន្ថយ​អត្រា​នៃ​អ្នក​កើត​ជំងឺគ្រុនចាញ់​តាមរយៈ​ការ​ដេក​ក្នុង​មុង ដើម្បី​ជួយ​ការពារ​ពី​មូស​ខាំ ។ វ៉ាក់ស៊ាំង​សម្រាប់​បង្ការ​ជំងឺ​គ្រុនចាញ់​ក្នុង​ពេល​ថ្មីៗ​នេះ​កំពុង​ស្ថិត​ក្នុង​ការផលិត​នៅឡើយ ។​


​ប្រសិនបើ​អ្នក​កំពុង​ធ្វើដំណើរ​ទៅ​កន្លែង​ណា​ដែល​សម្បូរ​ជំងឺគ្រុនចាញ់ ចូរ​ប្រើ​ថ្នាំ​បង្ការ​ទុកជា​មុន​សិន កំពុងធ្វើដំណើរ និង​ក្រោយ​ពេល​ធ្វើដំណើរ ។ ប៉ា​រ៉ា​សិត​បង្ក​ជំងឺគ្រុនចាញ់​ជាច្រើន​ក្នុងពេល​បច្ចុប្បន្ន​នេះ​ភាគច្រើន​ការ​ស៊ាំ​ទៅនឹង​ថ្នាំ​សម្រាប់​ព្យាបាល​ជំងឺ​នេះ ។​
 

​រោគសញ្ញា​
​ជំងឺគ្រុនចាញ់​ជាទូទៅ យើង​អាច​សំគាល់​បាន​តាមរយៈ​ការ​លាប់​ជំងឺ​ឡើង​វិញ​ជាមួយ​រោគសញ្ញា​ដូចជា​៖
– ការញាក់​ពី​កម្រិត​មធ្យម​ទៅ​ធ្ងន់ធ្ងរ​
– ក្តៅខ្លួន​ខ្លាំង​
– បែកញើស​ពេញ​ខ្លួន​ព្រមទាំង​ត្រជាក់​
​សញ្ញា​ផ្សេងៗ​ទៀត​ប្រហែលជា​មាន​ដូចជា​៖
– ឈឺក្បាល​
– ក្អួត​
– ច​ង្អោ​
– រាគ​
 

​រោគសញ្ញា​ជំងឺគ្រុនចាញ់​ជាធម្មតា​ផ្តើម​កើតមាន​ក្នុង​រយៈពេល​ពីរ​បី​សប្តាហ៍​ក្រោយ​មូស​មាន​មេរោគ​គ្រុនចាញ់​ខាំ ។ ទោះបីជា​យ៉ាងណា​ក៏ដោយ ប៉ា​រ៉ា​សិត​ជំងឺគ្រុនចាញ់​មួយចំនួន​អាច​សម្ងំ​នៅក្នុង​ខ្លួន​របស់​អ្នក​ច្រើន​ខែ និង​រហូត​ដល់​ច្រើន​ឆ្នាំ​។​
​ពេល​ដែល​ត្រូវ​ជួប​គ្រូពេទ្យ​

ចូរ​ទៅ​ពិគ្រោះ​ជាមួយ​គ្រូពេទ្យ​ប្រសិនបើ​អ្នក​ធ្លាប់មាន​បញ្ហា​ក្តៅខ្លួន​ខ្លាំង​នៅ​ពេល​រស់​នៅ ឬ​ក្រោយ​ពេល​ធ្វើដំណើរ​ទៅ​កាន់​តំបន់​ដែល​មាន​ការ​ប្រឈម​ខ្លាំង​នឹង​ជំងឺគ្រុនចាញ់​។ ប៉ា​រ៉ា​សិត​ដែល​ធ្វើអោយ​មាន​ជំងឺគ្រុនចាញ់​អាច​សម្ងំ​នៅ​ក្នុង​ខ្លួន​របស់​អ្នក​ច្រើន​ខែ ។ ប្រសិនបើ​អ្នក​មាន​រោគសញ្ញា​ធ្ងន់ធ្ងរ ចូរ​ស្វែងរក​សេវា​សង្គ្រោះ​បន្ទាប់​អោយ​បាន​លឿន​៕