Join with Health.com.kh on Telegram

​ដំបៅ​ក្រពះ​ពោះវៀន អាច​កើតឡើង​នៅលើ​ភ្នាស់​ខាងក្នុង​របស់​បំពង់ Esophagus ក្រពះ និង​កង់​ខាងលើ​នៃ​ពោះវៀន​តូច ហើយ​រោគសញ្ញា​ដែល​តែងតែ​កើតមាន​ជា​ញឹកញាប់​បំផុត​នោះ​គឺ​ការ​ឈឺពោះ​។​
 
​ជំនឿ​មិន​ត្រឹមត្រូវ​មួយ​ដែលថា អាហា​រហិល ឬ​ការងារ​ប្រកប​ដោយ​ភាព​តាង​តឹង​ច្រើន​តែ​អាច​បណ្តាលអោយ​ដំបៅ​ក្រពះ​ពោះវៀន​បាន​។ ឥឡូវនេះ​គ្រូពេទ្យ​ប្រាប់ឱ្យដឹង​ថា ការបង្ក​រោគ​ដោយ​បាក់តេរី​មួយ​ប្រភេទ ឬ​ថ្នាំ​មួយចំនួន អាច​បណ្តាលអោយ​មាន​ជំងឺ​ដំបៅ​ក្រពះ​ពោះវៀន​ច្រើន​បាន​បំផុត​ទៅ​វិញ​។​
 
​ការឈឺចាប់​បែប​ក្រហាយ​គឺជា​សញ្ញា​ដែល​កើតមាន​ជា​ញឹកញាប់​បំផុត​របស់​ជំងឺ​នេះ​។ ការឈឺចាប់​ដែល​បណ្តាល​មក​ពី​ដំបៅ និង​រឹង​តែ​ធ្ងន់ធ្ងរ​នៅពេល​មាន​ការប៉ះពាល​ជាមួយ​អាស៊ីត​ក្រពះ​នៅ​កន្លែង​មាន​ដំបៅ​។ ការឈឺចាប់​នេះ​អាចជា​៖
– ចេញពី​ជុំវិញ​រុន្ធ​ផ្សិត​ឡើង​ទៅលើ​ឆ្អឹងជំនី​
– កាន់តែ​ធ្ងន់ធ្ងរ​នៅពេល​ក្រពះ​អត់​មាន​ចំណី​
– ធ្វើទុក្ខ​ខ្លាំង​នៅពេល​យប់​
– បាត់​វិញ​ជា​បណ្តោះអាសន្ន​នៅ​ពេល​ញ៉ាំ​អាហារ​ដែល​ជួយ​សម្រាល​ជាតិ​អាស៊ី​ត ឬ​ប្រើ​ថ្នាំ​ទុប​អាស៊ី​ត​។​
– បាត់​ទៅ​វិញ និង​កើតឡើង​ម្តងទៀត​ក្នុង​រយៈពេល​ពីរ​បី​ថ្ងៃ ឬ​ពីរ​បី​សប្តាហ៍​
​សញ្ញា​ដែល​មិនសូវ​មាន​នោះ​គឺជា​សញ្ញា​ធ្ងន់ធ្ងរ​៖
– ក្អួត​ធ្លាក់ឈាម ដែល​អាច​ជា​ពណ៌​ខ្មៅ ឬ​ក្រហម​
– លាមក​មាន​ឈាម​ពណ៌​ខ្មៅ​
– ក្អួតចង្អោ​
– ស្រក​ទម្ងន់​ដោយ​មិន​ដឹង​មូលហេតុ​
– ប្រែប្រួល​ទម្លាប់​ញ៉ាំ​អាហារ​
​ចូរ​ទៅ​ពិគ្រោះ​ជាមួយ​គ្រូពេទ្យ​ប្រសិនបើ​អ្នក​នៅ​តែ​មាន​រោគសញ្ញា​ជាប់​រហូត​។ ថ្នាំបន្សាប​អាស៊ីត និង​ថ្នាំ​ទប់ស្កាត់​ការបញ្ចេញ​អាស៊ីត​ក្រពះ​ដែល​គ្មាន​វេជ្ជបញ្ជា ប្រហែល​ជា​ជួយ​បំបាត់​នូវ​ការឈឺចាប់​បាន ប៉ុន្តែ​ក្នុង​រយៈពេល​ខ្លី​ប៉ុណ្ណោះ​៕