ការស្ទះពោះវៀនអាចកើតមានទាំងក្នុងពោះវៀនតូច ឬពោះវៀនធំដែលមិនអាចអោយអាហារ និងទឹកឆ្លងកាត់បាន។ ការស្ទះពោះវៀនអាចបណ្តាលមកពីបញ្ហាជាច្រើនដូចជា ការស្អិតពោះវៀន ក្លន ឬដុំសាច់ក្នុងពោះ។
ការស្ទះពោះវៀនអាចចេញជារោគសញ្ញាមិនស្រួលខ្លួនដូចជា ឈឺពោះ ហើមពោះ ក្អួត និងចង្អោ។ ប្រសិនបើមិនបានព្យាបាលទេ វានឹងអាចអោយពោះវៀននោះស្ទះរហូតស្លាប់ក៏មាន ហើយជាលិកាដែលស្លាប់នោះអាចធ្វើអោយធ្លាយពោះវៀនបាន ពេលនោះនឹងមានការបង្ករោគធ្ងន់ធ្ងរ ព្រមទាំងស្ហុកទៀតផង។ ទោះបីជាយ៉ាងណាក៏ដោយ ការព្យាបាលទាន់ពេល ធ្វើអោយការស្ទះពោះវៀននោះជាសះស្បើយបាន។
រោគសញ្ញា
រោគសញ្ញានៃការស្ទះពោះវៀនមាន៖
– ឈឺពោះ ម្តងឈឺម្តងបាត់
– ចង្អោ
– ក្អួត
– រាគ
– ទល់លាមក
– អត់ជុះ អត់ផោម
– ហើមពោះ