Join with Health.com.kh on Telegram

​ជំងឺ​រលាក​ថ្លើម​ប្រភេទ C គឺជា​ជំងឺឆ្លង​មួយ​ប្រភេទ​ដែល​បណ្តាល​មក​ពី​វី​រ៉ុស​ដែល​ភ្ជាប់​ខ្លួន​របស់​វា​ទៅ​នឹង​សាច់​ថ្លើម​របស់​មនុស្ស​យើង ហើយ​បង្ក​អោយ​មាន​ការ​រលាក​កើតឡើង ។ មនុស្ស​ភាគច្រើន​ឆ្លង់​ជំងឺ​នេះ​ដោយសារ​វី​រ៉ុស Hepatitis C Virus (HCV) ដោយ​ពុំ​មាន​បង្ហាញ​រោគសញ្ញា​អ្វី​ទាំងអស់ ។ តាម​ការពិត ពួកគេ​មិន​បាន​ដឹង​ខ្លួន​ឯង​ថា​ឆ្លង​ជំងឺ​រលាក​ថ្លើម​ប្រភេទ C នេះ​ទេ រហូត​ដល់​ថ្លើម​របស់​ពួកគេ​មាន​ការ​ខូច​ខាត់​ក្នុង​រយៈពេល ១០​ឆ្នាំក្រោយ និង​ដឹង​តាមរយៈ​ការធ្វើ​តេស​ពិនិត្យ​សុខភាព ។​

​ជំងឺ​រលាក​ថ្លើម​ប្រភេទ C គឺ​ជា​ជំងឺ​មួយ​ក្នុងចំណោម​ជំងឺ​រលាក​ថ្លើម​ជាច្រើន​ដែល​បង្កឡើង​ដោយ​វី​រ៉ុស ហើយ​ជាទូទៅ​ត្រូវបាន​គេ​ចាត់ទុកថា​ជា​ជំងឺ​ដ៏​កាច់​សាហាវ ។ វី​រ៉ុស Hepatits C ឆ្លង​តាមរយៈ​ការប៉ះពាល​ឈាម​របស់​អ្នកជំងឺ ជាពិសេស​នៅពេល​ប្រើ​ម្ជុលចាក់​ថ្នាំញៀន​រួមគ្នា ។​

​ជំងឺ​រលាក​ថ្លើម​ប្រភេទ C ជា​ធម្មតា​មិន​បណ្តាល​អោយ​មាន​រោគសញ្ញា​អ្វី​ទេ​នៅពេលដែល​ឆ្លង​ហើយ ប៉ុន្តែ​រោគសញ្ញា​កើតមាន​នៅពេល​ដែល​អ្នក​ជំងឺ​មាន​ផ្តាសាយ ឬ​ផ្តាសាយធំ ហើយ​រួមទាំង​៖

  • អស់កំលាំង​
  • ក្តៅខ្លួន​
  • ក្អួតចង្អោ ឬ​មិន​ឃ្លាន​អាហារ​
  • ឈឺ​សាច់ដុំ និង​សន្លាក់​
  • ឈឺ​នៅ​តំបន់​របស់​ថ្លើម​
    ​ពេល​ដែល​ត្រូវ​ទៅ​ជួប​គ្រូពេទ្យ​
    ​ចូរ​ធ្វើការ​ណាត់ជួប​ជាមួយ​គ្រូពេទ្យ​ប្រសិនបើ​អ្នក​មាន​សញ្ញា​ទាំងឡាយណា​ដែល​ធ្វើអោយ​អ្នកព្រួយបារម្ភ​៕