ឈប់ខ្វល់ចិត្តទៅ! សក់ស្ងួតខូច? រូបមន្តធម្មជាតិ ៣នេះជួយបាន

បញ្ហាសក់ស្ងួតខូចមែនទេ?(អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មិនពិបាកដោះស្រាយឡើយ! ត្រូវធ្វើបែបណាទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរូបមន្តធម្មជាតិព្យាបាលសក់ស្ងួតខូច ៖

១. ម៉ាយូណេស (Mayonnaise)

អ្វីដែលអ្នកត្រូវធ្វើ គឺគ្រាន់តែលាបម៉ាស្សាម៉ាយូណេសលើសក់និងស្បែកក្បាល។ បន្ទាប់មកកុំភ្លេចពាក់មួកផ្លាស្ទិកគ្រប់សក់ឱ្យជិត និងរងចាំសម្រាប់រយៈពេល ១ម៉ោង។ លាងសម្អាតចេញតាមក្រោយជាមួយទឹកក្ដៅឧណ្ហៗ រួចសឹមកក់សម្អាតចេញដូចពេលធម្មតា។ អ្នកគួរអនុវត្តរូបមន្តនេះរាល់សប្តាហ៍ដើម្បីទទួលបានលទ្ធផលកាន់តែប្រសើរ។

២. ប្រេងអូលីវ

អ្វីដែលអ្នកត្រូវធ្វើ គឺគ្រាន់តែកម្ដៅប្រេងអូលីវកន្លះពែងឱ្យក្ដៅឧណ្ហៗជាមុនសិន បន្ទាប់មកសឹមលាបម៉ាស្សាទៅលើសក់និងស្បែកក្បាល និងកុំភ្លេចពាក់មួកផ្លាស្ទិកគ្រប់សក់ឱ្យជិត។ រងចាំសម្រាប់រយៈពេល ៤៥នាទី សឹមកក់សម្អាតសក់ជាមួយសាប៊ូតាមក្រោយដូចពេលធម្មតា។ ត្រូវប្រាកដថាអ្នកលាងសម្អាតសក់បានជ្រះស្អាតទាំងស្រុងចៀសវាងសំណល់ខ្លាញ់នៅជាប់លើសក់និងស្បែកក្បាល។ អ្នកក៏អាចលាយប្រេងអូលីវជាមួយស៊ុត ដោយអ្វីដែលអ្នកត្រូវធ្វើ គឺគ្រាន់តែកូរវឹកស៊ុត ១គ្រាប់ឱ្យសព្វ បន្ទាប់មកបន្ថែមប្រេងអូលីវ ១ ស្លាបព្រាបាយចូល និងកូរឱ្យសព្វម្ដងទៀត។ លាបម៉ាស្សាល្បាយលើស្បែកក្បាលនិងសក់សម្រាប់រយៈពេល ២នាទី ប្រសិនបើអ្នកមានស្បែកក្បាលខ្លាញ់ ចូរប្រើប្រាស់ល្បាយតែលើសក់បានហើយ។ បន្ទាប់មកប្រើប្រាស់កន្សែងរុំសក់ និងរងចាំសម្រាប់រយៈពេល ១៥នាទី សឹមលាងសម្អាតចេញជាមួយទឹកត្រជាក់៕

៣. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែលាយប្រេងអូលីវ ២ស្លាបព្រាបាយជាមួយទឹកខ្មេះផ្លែប៉ោម ១ស្លាបព្រាកាហ្វេនិងផ្នែកពណ៌សនៃស៊ុត ៣គ្រាប់ឱ្យសព្វចូលគ្នា។ បន្ទាប់មកសឹមលាបដុសសក់ជាមួយល្បាយនេះតាមក្រោយ និងកុំភ្លេចពាក់មួកផ្លាស្ទិកគ្រប់សក់សម្រាប់រយៈពេល ៣០នាទី សឹមលាងជម្រះចេញជាមួយទឹកក្ដៅឧណ្ហៗនិងកក់សក់ដូចពេលធម្មតា។