កាហ្វេ ជាភេសជ្ជៈដ៏ពេញនិយមមួយ ដែលមនុស្សរាប់លាននាក់នៅលើសកលលោកចូលចិត្តទទួលទានជារៀងរាល់ ។ នៅប្រទេសកម្ពុជា ទោះជានៅតាមទីប្រជុំជនជនបទ ឬតាមទីក្រុងធំៗ ក្ដី គេសង្កេតឃើញមានហាងលក់កាហ្វេរាប់មិនអស់ ។
កាហ្វេល្អ ឬ អាក្រក់អាស្រ័យទៅលើមនុស្សដែលអ្នកសួរ និង ពេលណា ។ មានហេតុផលជាច្រើនដែលបង្ហាញថាអ្នកគួរ ឬ មិនគួរផឹកកាហ្វេចេញផ្សាយជារៀងរាល់សប្តាហ៍ ។ អ្នកដែលមានបញ្ហាសុខភាព ឬ កំពុងទទួលការព្យាបាល គួរតែសួរយោបល់ពីវេជ្ជបណ្ឌិតរបស់អ្នកមុនពេលសំរេចចិត្តទទួលទានកាហ្វេ ។ ឧទាហរណ៍, កាហ្វេត្រូវបានគេចាត់ទុកថាមានសុវត្ថិភាព ។ ទោះបីជាយ៉ាងណាក៏ដោយ, ចំពោះអ្នកដែលមានបញ្ហាក្រពះកាហ្វេអាចនឹងធ្វើអោយជំងឺកាន់តែធ្ងន់ធ្ងរឡើង ។
គួរទទួលទានកាហ្វេប៉ុន្មាន?
កាហ្វេ មិនមែនជាសារធាតុចិញ្ចឹមចាំបាច់សំរាប់មនុស្សទេ ។ ប្រសិនបើជាអ្នកជ្រើសរើសមិនទទួលកាហ្វេ, អ្នកនឹងមិនមានការខ្វះខាតជីវជាតិណាមួយនោះទេ ។ យោងទៅតាម នាយកដ្ឋានសុខភាពរបស់ប្រទេសកាណាដា (Health Department of Canada) បានអោយដឹងថា ប្រជាជនទូទៅមិនគួរទទួលទានកាហ្វេលើសពី ៤០០ មីលីក្រាម ក្នុងមួយថ្ងៃឡើយ (នេះប្រហែលនឹង ៣ ពែង) ។
ការទទួលទានលើសចំនួន
ការពិសារកាហ្វេច្រើនពេកអាចនាំអោយចង្វាក់បេះដូងដើរញាប់, ដកដង្ហើមខ្លីៗ, ថប់អារម្មណ៍ និង គេងមិនលក់ ។ គួរអោយពិចារណាដែរថា, គេនិយាយថាកាហ្វេអាចធ្វើស្លាប់បានបើទទួលទានយ៉ាងហោចណាស់ក៏ ៨០ ពែងដែរក្នុងមួយថ្ងៃ ។
សារៈប្រយោជន៍
មានការសិក្សាស្រាវជ្រាវជាច្រើនដែលនិយាយថាកាហ្វេជួយការពារជំងឺទឹកនោមផ្អែម។កាហ្វេក៏មានផលប្រយោជន៍ច្រើនដែរសំរាប់សុខភាព ដូចជា ជួយឲ្យរាងកាយបានស្រស់ស្រាយ, បង្កើនការប្រុងប្រយ័ត្ននិងការចងចាំ, ប្រមូលផ្ដុំអារម្មណ៍បានល្អ និង បង្កើនកំលាំង-ថាមពល ។ គេក៏និយាយដែរថា ជាតិកាហ្វេអ៊ីនអាចការពារប្រឆាំងទៅនឹងជំងឺក្រិនថ្លើម (cirrhosis of the liver) និងជំងឺParkinson’s ។
គុណវិបត្តិរបស់កាហ្វេ
កាហ្វេជាសារធាតុរំញោច ដែលធ្វើអោយចង្វាក់បេះដូងរបស់អ្នកដើរញាប់ ។ អ្នកដែលមានបញ្ហាបេះដូង ឬ មានជំងឺសម្ពាធឈាមខ្ពស់ (លើសឈាម) គួរតែទទួលទានកាហ្វេក្នុងបរិមាណតិចតួចបំផុត ។ សកម្មភាពរំញោចនេះអាចជះឥទ្ធិលពលដល់សតិអារម្មណ៍, ស្មារតី ដែលធ្វើអោយអ្នកហាក់ដូចជា ថប់អារម្មណ៍ និង ញរ័ដៃញ័រជើង (tremors) ជាដើម ។ ជាតិកាហ្វេអ៊ីនអាចបង្កើនចំនួនជាតិកាល់ស្យូម ដែលបញ្ចេញតាមទឹកនោម (urine) ។ នេះមានន័យថា ជាតិកាល់ស្យូមជាច្រើនដែលអ្នកទទួលទាន មិនត្រូវបានស្រូបចូលក្នុងខ្លួនឡើយ ។ វាធ្វើអោយអ្នកខ្វះជាតិកាល់ស្យូម ដែលជាមូលហេតុនេះជម្ងឺឆ្អឹងពុក (osteoporosis) ។
នរណាខ្លះគួរតមកាហ្វេ ?
អ្នកជំនាញផ្នែកសុខភាពជាច្រើនបានផ្តល់ជាយោបល់ថា ស្ត្រីដែលមានផ្ទៃពោះមិនត្រូវពិសារកាហ្វេទាល់តែសោះ ។ ជាតិកាហ្វេអ៊ីនត្រូវបានផ្សារភ្ជាប់ទៅនឹងការមានកូនមិនគ្រប់ខែ, ទារកមិនគ្រប់គីឡូនិង ការរលួតកូនព្រមទាំងបញ្ហាសុខភាពជាច្រើនទៀត ។ ក្មេងៗ និង ចាស់ៗដែលសង្ស័យថាមានផលវិបាកច្រើនក្រោយពិសារកាហ្វេ, គួរតែចៀសវាងជាតិកាហ្វេ ឬ ទទួលទានក្នុងបរិមាណសមរម្យមួយ ៕