ជំងឺឬសដូងច្រមុះគឺជាជំងឺដែលរលាកទៅលើភ្នាស់កម្រាលរបស់ផ្លូវក្នុងច្រមុះ និងប្រហោងឆ្អឹងរយៈពេលយូរជាង ១២សប្តាហ៍ (ជំងឺរលាកប្រហោងឆ្អឹងក្នុងច្រមុះរ៉ាំរ៉ៃ)។ ទោះបីជាយ៉ាងណាក៏ដោយ វាទំនងជាអាចអោយមានជំងឺរលាកប្រហោងឆ្អឹងបានដោយគ្មានជំងឺឬសដូងច្រមុះដែរ។
ឬសដូងច្រមុះគឺជាសាច់ដុំមានលក្ខណៈទន់ៗក្នុងច្រមុះ ដូច្នេះបើសិនជាវាមានទំហំតូច អ្នកប្រហែលជាមិនដឹងថាមានវាផង។ ការលូតលាស់ឬសដូងច្រមុះច្រើន ឬធំៗប្រហែលជានាំអោយស្ទះផ្លូវក្នុងច្រមុះ និងប្រហោងឆ្អឹងច្រមុះបាន។
រោគសញ្ញានៃជំងឺរលាកប្រហោងឆ្អឹងច្រមុះរ៉ាំរ៉ៃជាព្រមទាំងមានឬសដូងច្រមុះទៀតនោះមានដូចជា៖
- ហៀរសំបោរ
- មានអាការៈអួរអាប់ជាប់រហូត
- ហៀរទឹកនៅក្នុងបំពង់ករ
- អារម្មណ៍នៃការស្រង់ក្លិនថយចុះ ឬមិនអាចស្រង់ក្លិនបានតែម្តង
- បាត់បង់ជីវហាវិញ្ញាណ
- ឈឺមុខ ឬឈឺក្បាល
- ឈឺចាប់ធ្មេញផ្នែកខាងលើ
- មានអារម្មណ៍ថាដូចជាមានសម្ពាធនៅលើថ្ងាស និងក្បាល
- ដេកស្រមុក
- រមាស់នៅជុំវិញភ្នែក
ពេលដែលត្រូវជួបពេទ្យ
ចូរទំនាក់ទំនងទៅគ្រូពេទ្យបើសិនជារោគសញ្ញារបស់អ្នកកើតឡើងច្រើនជាង ១០ថ្ងៃ។ រោគសញ្ញានៃអាការៈរលាកប្រហោងឆ្អឹងច្រមុះរ៉ាំរ៉ៃ និងឬសដូងច្រមុះមានលក្ខណៈស្រដៀងគ្នានឹងជំងឺផ្សេងៗតៀតដូចជាជំងឺផ្តាសាយជាដើម៕