Cholecystitisគឺជាការរលាកនៃថង់ទឹកប្រមាត់។ថង់ទឹកប្រមាត់របស់អ្នកគឺជាសរីរាង្គដែលស្ថិតនៅផ្នែកខាងលើខាងស្តាំនៃពោះដែលស្ថិតនៅពីក្រោមថ្លើមរបស់អ្នក។ ថង់ទឹកប្រមាត់ដែលទទួលសារធាតុរាវរំលាយអាហារដែលគេហៅថាទឹកប្រមាត់ដែលនឹងបញ្ចេញចូលទៅក្នុងពោះវៀនតូច។
ក្នុងករណីជាច្រើនការរលាកថង់ទឹកប្រម៉ាត់ ត្រូវបានបង្កឡើងដោយសារជំងឺគ្រួសក្នុងថង់ទឹកប្រមាត់ដែល ទៅស្ទះបំពង់ចេញពីថង់ទឹកប្រមាត់។ លទ្ធផលនេះនឹងអាចបង្កឱ្យមានការរលាក។ មូលហេតុ ដទៃទៀតរួមបញ្ចូលទាំងបញ្ហាបំពង់ទឹកប្រមាត់ និងដុំសាច់ជាដើម។
ប្រសិនបើមិនមានការព្យាបាលនោះទេ វាអាចនាំឱ្យមានផលវិបាកធ្ងន់ធ្ងរដូចជា ថង់ទឹកប្រមាត់ដែលបានក្លាយទៅជារីកធំ ឬរហែក។ នៅពេលដែលធ្វើរោគវិនិច្ឆ័យ វា តម្រូវឱ្យមានការស្នាក់នៅមន្ទីរពេទ្យមួយ។ សម្រាប់ការព្យាបាលជាញឹកញាប់បំផុតមានរួមបញ្ចូលទាំងការវះយកថង់ទឹកប្រមាត់ចេញ។
សញ្ញា និងរោគសញ្ញានៃការរលាកថង់ទឹកប្រម៉ាត់ អាចរួមមាន:
- ការឈឺចាប់ធ្ងន់ធ្ងរ ឬឈឺជាប់ជានិច្ចនៅក្នុងផ្នែកខាងស្ដាំខាងលើនៃពោះរបស់អ្នក
- ការឈឺចាប់ដែលចាក់ពីពោះ ទៅស្មា ឬខ្នងខាងស្តាំ
- តឹងហើយឈឺនៅលើពោះនៅពេលដែលត្រូវបានប៉ះ
- បែកញើស
- ចង្អោរ
- ក្អួត
- គ្រុនក្តៅ
- ញាក់
- ហើមពោះ
- សញ្ញាជាធម្មតានៃការរលាក់ថង់ទឹកប្រម៉ាត់ កើតមានឡើងបន្ទាប់ពីទទួលទានអាហារជាពិសេស អាហារដែលមានជាតិខ្លាញ់ខ្ពស់។
នៅពេលដែលត្រូវទៅជួបគ្រូពេទ្យ?
ធ្វើការណាត់ជួបជាមួយវេជ្ជបណ្ឌិតប្រសិនបើអ្នកមានរោគសញ្ញាណាមួយដែលមានក្តីបារម្ភ ដល់អ្នក។ ឈឺពោះដែលមានសភាពធ្ងន់ធ្ងរដូចដែលអ្នកមិនអាចអង្គុយនៅតែមួយកន្លែងបាន ឬស្វែងរកទីតាំងដែលមានផាសុខភាពមិនបាន នោះវាគឺជាភាពបន្ទាន់មួយ៕
