ជំងឺលើសសម្ពាធឈាមភាគច្រើនតែងតែកើតមានដោយគ្មានរោគសញ្ញា ហេតុដូច្នេះហើយទើបគេអោយឈ្មោះជំងឺនេះថាជាឃាតករដ៏ស្ងៀមស្ងាត់។ ជំងឺលើសសម្ពាធឈាមដែលគ្មានផលវិបាកអាចកើតឡើងជាប់រយៈពេលច្រើនឆ្នាំ ដោយគ្មានរោគសញ្ញាអ្វីទាំងអស់។ ទោះបីជាយ៉ាងណាក៏ដោយ នៅពេលមានផលវិបាកកើតមាន នោះវាដោយសារតែការខូចខាតទៅលើប្រព័ន្ធសរសៃឈាម។ រោគសញ្ញានៃជំងឺលើសសម្ពាធឈាមដែលមានផលវិបាកមានដូចជា វិលមុខ, ពិបាកដកដង្ហើម, ឈឺក្បាល និងព្រិលភ្នែក។ រោគសញ្ញាផ្សេងៗទៀតមានដូចជា ឈាមច្រមុះ, ឈាមក្នុងទឹកនោម, អស់កម្លាំង, ឈឺទ្រូង និងមានអារម្មណ៍រោយនៅកញ្ចឹងក, ទ្រូង ឬត្រចៀក។
ចំពោះជំងឺលើសសម្ពាធឈាមធ្ងន់ធ្ងរសម្តៅទៅលើលេខសម្ពាធឈាមខាងក្រោមលើសពី ១៤០mmHg។ អាការៈធ្ងន់ធ្ងរបែបនេះគឺជាជំងឺដែលត្រូវការព្យាបាលបន្ទាន់ និងអាចបង្កទៅជាជំងឺដាច់សរសៃឈាមខួរក្បាលថែមទៀតផង។ រោគសញ្ញាមានដូចជា ក្អួតចង្អោ, ឈឺក្បាលខ្លាំង, ព្រិលភ្នែកជាដើម។ អ្នកខ្លះមានអាការៈជំងឺលើសសម្ពាធឈាមធ្ងន់ធ្ងរដែរប្រហែលជាមានបញ្ហាខ្សោយតម្រងនោមទៀតផង។ ពួកគេប្រហែលជាធ្លាប់មានបញ្ហានោមតិច និងហើមជើងដែរ៕
