ខាងក្រោមនេះ យើងខ្ញុំនឹងបង្ហាញអ្នកពីរបៀបក្នុងការធ្វើឲ្យមនោសញ្ចេតនាអ្នកទាំងពីរកាន់តែល្អនឹងគ្នា។ តើមានអ្វីខ្លះទៅ?

1. នៅពេលទំនេរ អ្នកទាំងពីរអាចទៅក្រៅដើរលេងតែពីរនាក់បាន ដោយអាចទៅធ្វើរឿងដូចអ្នកនៅកាលពីសង្សារនឹងគ្នា។ ការណាត់ជួបតែពីរនាក់បែបនេះ នឹងធ្វើឲ្យអ្នកអាចរំលឹកអានុស្សាវរីយ៍ចាស់ ដែលអាចធ្វើឲ្យអារម្មណ៍អ្នកទាំងពីរមិនងាយប្រែប្រួលទេ ទោះរស់នៅជាមួយគ្នាយូរប៉ុន្មានក៏ដោយ។

2. អ្នកគួរតែមើលថែទាំគ្រួសាររបស់គេ និងស្រឡាញ់គ្រួសារគេឲ្យដូចជាគ្រួសារអ្នក ទើបអាចធ្វើឲ្យគេរំភើបចិត្តបាន ហើយមិនធុញនឹងអ្នក។ ជាពិសេស នៅពេលដែលមានរឿង ក៏មានអ្នកផ្ទះគេនៅឈរខាងអ្នកដែរ។ ដូចនេះ អ្នកអាចទទួលបានផលទ្វេដងតែម្តង មិនត្រឹមតែអាចបង្កើនភាពស្និទ្ធស្នាល ថែមទាំងអាចរក្សាមនោសញ្ចេតនាល្អជាមួយអ្នកផ្ទះគេផងដែរ។

3. ពេលវេលាពិតជាសំខាន់ណាស់សម្រាប់មនុស្សគ្រប់គ្នា។ ដូចនេះ អ្នកគួរតែទុកចន្លោះពេលឲ្យគេខ្លះ ដើម្បីឲ្យគេបានធ្វើរឿងដែលគេចង់ នោះគេនឹងអាចសប្បាយចិត្តជាខ្លាំង ដោយមានភរិយាដែលចេះយល់ចិត្តគេ។ ជាហេតុដែលធ្វើឲ្យអ្នកទាំងពីរមិនងាយច្រានគ្នាចេញឡើយ៕