កាលពីអត្ថបទមុនៗយើងខ្ញុំបានប្រាប់អ្នកពីទង្វើមួយចំនួនដែលអាចប៉ះពាល់ដល់ការលូតលាស់ឆ្អឹងរបស់កូន ដូចនេះថ្ងៃនេះយើងខ្ញុំនឹងប្រាប់អ្នកពីរូបមន្តមួយដែលអាចធ្វើឲ្យកូនខ្ពស់បាននៅក្រោយពេលដែលគេញ៉ាំរួច។ តើមានរបៀបធ្វើដូចម្តេចខ្លះទៅ?
គ្រឿងផ្សំ ៖ ពងមាន់ចំនួន២គ្រាប់ ហេប៊ីចំនួន២០ក្រាម លាសសមុទ្រចំនួន៤៥ក្រាម ស្លឹកខ្ទឹមបន្តិច អំបិលចំនួន១ក្រាម ម្សៅស៊ុបខ្នរចំនួនមួយក្រាម។
របៀបចម្អិន ៖
ដំបូងអ្នកត្រូវយកចានធំមួយមកគោះពងមាន់ចូល រួចចាក់លាស និងហេប៊ីដែលលាងស្អាតហើយចូលទៅក្នុងពងមាន់នោះ។
បន្ទាប់មកអ្នកត្រូវតែដាក់អំបិល ម្សៅស៊ុបខ្នរ ហើយវ៉ៃវាឲ្យសព្វ។
ក្រោយពេលដែលវ៉ៃវាឲ្យសព្វរួច អ្នកត្រូវតែចាក់ទឹកបរិមាណល្មមចូលទៅក្នុងពងមាន់នោះ រួចវ៉ៃវាឲ្យសព្វទៀត។
បន្ទាប់មកទៀតអ្នកអាចចាក់ពងមាន់នោះទៅក្នុងចានមួយ រួចយកវាទៅចំហ៊ុយក្នុងឆ្នាំង។
អ្នកអាចចំហ៊ុយវាចំនួន១០នាទី ក្រោយពេលដែលឆ្អិនរួច អ្នកអាចរោយស្លឹកខ្ទឹមពីលើជាការស្រេច៕