ពិបាកដកដង្ហើមទំនងជាបទពិសោធខុសគ្នារវាងមនុស្សខុសគ្នាវាបានពណ៌នាថាដូចជាតឹងៗនៅក្នុងទ្រូង ឬអារម្មណ៍ថាថប់ដង្ហើម ។ អាស្រ័យទៅលើមូលហេតុដែលអ្នកមានអ្នកអាចជួបប្រទះការពិបាកដកដង្ហើមគ្រាន់តែ ម្តង ឬកើតម្តងហើយម្តងទៀតដែលអាចក្លាយ ទៅជាស្ថិតស្ថេរជានិច្ច។
ការធ្វើលំហាត់ប្រាណខ្លាំងពេក សីតុណ្ហភាពក្តៅខ្លាំង ធាត់ និងការនៅលើកម្ពស់ដ៏ខ្ពស់ អាចបង្កអោយមានការពិបាកដកដង្ហើមនៅលើមនុស្សដែលមានសុខភាពល្អម្នាក់។ ប្រសិនបើអ្នកមានការពិបាកដកដង្ហើមដែលមិនអាចពន្យល់បាន ជាពិសេសប្រសិនបើ វាស្រាប់តែកើតភ្លាម និងមានភាពធ្ងន់ធ្ងរសូមជួបគ្រូពេទ្យរបស់អ្នកឲបានឆាប់តាមដែល អាចធ្វើបាន។
ហៅទូរស័ព្ទទៅផ្នែកសង្គ្រោះបន្ទាន់ក្នុងតំបន់របស់អ្នក ឬនរណាម្នាក់ដែលនៅជំរុញឲ នាំអ្នកទៅផ្នែកសង្គ្រោះបន្ទាន់ប្រសិនបើអ្នកធ្លាប់ជួបប្រទះការពិបាកដង្ហើមធ្ងន់ធ្ងរដែលកើតឡើងភ្លាមៗ និងប៉ះពាល់ដល់សមត្ថភាពរបស់អ្នក។ ស្វែងរកការថែទាំវេជ្ជសាស្ត្រ សង្គ្រោះបន្ទាន់ប្រសិនបើការពិបាកដកដង្ហើមរបស់អ្នកត្រូវបានអមដោយការឈឺចាប់ ទ្រូង ការដួលសន្លប់ ឬចង់ក្អួតដែលទាំងនេះអាចជាសញ្ញានៃការគាំងបេះដូង ឬការមាន កំណកឈាមក្នុងសួត។
ធ្វើការណាត់ជួបជាមួយវេជ្ជបណ្ឌិតប្រសិនបើការពិបាកដកដង្ហើមរបស់អ្នកត្រូវបានអមជាមួយដោយ:
- ហើមជើង និងកជើង
- បញ្ហាក្នុងការដកដង្ហើមនៅពេលដែលអ្នកគេង
- គ្រុនក្តៅខ្លាំង ញាក់ និងក្អក
- បបូរមាត់ ឬចុងម្រាមដៃប្រែទៅជាពណ៌ខៀវ
- ដកដង្ហើមចេញមានលឺសម្លេងងឺតៗ(Wheezing)
- ការពិបាកដកដង្ហើមកាន់តែអាក្រក់)
