Join with Health.com.kh on Telegram

​ខ្យល់​ក្នុង​ស្រោម​សួត តែងតែ​បង្ក​ឡើង​ដោយ​ការរង​របួស​នៅ​នឹង​ទ្រូង ដូច​ជា​ការ​បាក់​ឆ្អឹងជំនី ឬ​ដោយសារ​ការចាក់​ទំ​លុះ​។ វា​ក៏​អាច​កើតឡើង​ភ្លាមៗ​ដោយ​គ្មាន​ការរង​របួស​ផងដែរ​។ ខ្យល់​ក្នុង​ស្រោម​សួត​អាច​បណ្តាលមកពី​ការខូចខាត​នៅ​នឹង​សួត ដែល​បង្កឡើង​ដោយ​ជំងឺ​មួយ​ចំនួន ដូច​ជា​ជំងឺ​ស្ទះ​ផ្លូវដង្ហើម​រ៉ាំរ៉ៃ ជំងឺ​ហឺត និង​ជំងឺ​រលាក​សួត​។ ខ្យល់​ក្នុង​ស្រោម​សួត​ដែល​កើតមាន​ភ្លាមៗ​ក៏​អាច​កើតឡើង​ចំពោះ​មនុស្ស​ដែល​មិនមាន​ជំងឺ​សួត​ផងដែរ​។ បញ្ហា​នេះ​អាច​កើតឡើង​នៅពេល​ដែល​ពងបែក (​ដែល​ពោរពេញ​ទៅ​ដោយ​ខ្យល់​នៅក្នុង​សួត​) ធ្លាយ ហើយ​ខ្យល់​ក៏​ចូល​ទៅក្នុង​ស្រោម​សួត​តែម្តង​។ មនុស្ស​ដែល​ជក់បារី ភាគច្រើន​នឹង​វិវត្តន៍​ទៅ​ជា​ជំងឺ​ខ្យល់​ក្នុង​ស្រោម​សួត​ជាង​អ្នក​ដែល​ធ្វើ​មិន​ជក់បារី​។ កាលណា​អ្នក​ជក់បារី​កាន់តែច្រើន នោះ​ឱកាស​នៃ​ការវិវត្ត​ទៅ​ជា​ជំងឺ​ខ្យល់​ក្នុង​ស្រោម​សួត​ក៏​មាន​កាន់តែ​ច្រើន​ដែរ​។​

​តើ​រោគសញ្ញា​នៃ​ជំងឺ​ខ្យល់​ក្នុង​ស្រោម​សួត​មាន​អ្វីខ្លះ​?
​រោគសញ្ញា​ដែលមាន គឺ​អាស្រ័យ​លើ​ទំហំ​ខ្យល់​ក្នុង​ស្រោម​សួត​នោះ​។ នៅក្នុង​ករណី​ដែល​វា​មាន​ទំហំ​តូច គឺ​អ្នក​មិន​អាច​ដឹង​ថា​អ្នក​មាន​ខ្យល់​ក្នុង​ស្រោម​សួត​នោះទេ​។  តែ​ក្នុងករណី​ធ្ងន់ធ្ងរ រោគសញ្ញា​នឹង​វិវត្តន៍​យ៉ាង​ឆាប់រហ័ស និង​អាច​បណ្តាលអោយ​អ្នក​ស្លាប់​បាន​។
​រោគសញ្ញា​ទាំងនោះ​រួមមាន ៖

  • ​ពិបាក​ដកដង្ហើម អាច​ពី​ស្រាល​ទៅ​ធ្ងន់ធ្ងរ ដោយ​អាស្រ័យ​លើ​បិមាណ​នៃ​សួត​ត្រូវ​បាន​សង្កត់​អោយ​កំពិត
  • ​ការឈឺចាប់​ខ្លាំង​នៅ​នឹង​ទ្រូង​ភ្លាមៗ នៅ​ផ្នែក​ខាង​ណា​មួយ​ដែល​សួត​ត្រូវបាន​កំពិត​៕