Join with Health.com.kh on Telegram

​ការ​មាន​ឈាមកក​នៅ​ក្នុង​ខួរក្បាល អ​ច​កើតឡើង​នៅ​ពេល​ដែល​សរសៃឈាម​ខួរក្បាល ត្រូវបាន​បែកធ្លាយ​នៅ​ក្នុង​ខួរក្បាល ឬ​នៅ​ចន្លោះ​រវាង​ឆ្អឹង​ក្បាល និង​ខួរក្បាល​។ ការ​កក​ផ្តុំគ្នា​នៃ​ឈាម​នេះ អាច​សង្កត់​ទៅលើ​ជាលិកា​ខួរក្បាល​របស់​អ្នក​។ រោគសញ្ញា​នៃ​ការ​មាន​ឈាមកក​នៅក្នុង​ខួរក្បាល​អាច​បញ្ជាក់​អោយដឹង​ភ្លាមៗ​បន្ទាប់​ពី​ការ​ប៉ះ​ទង្កិច​ទៅលើ​ក្បាល ឬ​អាច​ប្រើ​ពេលវេលា​ច្រើន​សប្តាហ៍ ឬ​យូរ​ជាង​នេះ​ដើម្បី​បង្ហាញឡើង​នូវ​រោគសញ្ញា​។​ទោះជា​យ៉ាងណា  ការ​មាន​សម្ពាធ​ទៅលើ​ខួរក្បាល​របស់​អ្នក អាច​កើនឡើង និង​ធ្វើអោយ​មាន​រោគ​សញ្ញា​មួយ​ចំនួន ឬ​ទាំងអស់​ដូចខាងក្រោម​នេះ​៖

  • ​ឈឺ​ក្បាល​ខ្លាំង​ឡើងៗ​
  • ​ក្អួត​
  • ​ស្ទើរ​សន្លប់ និង​ការវិវត្ត​នៃ​ការបាត់បង់​ស្មារតី​
  • ​វិលមុខ​
  • ​ភាន់​ច្រឡំ​
  • ​ប្រស្រី​ភ្នែក​រីក​មិន​ស្មើគ្នា​
  • ​ខ្សោយ​អវៈយៈវៈ​មួយ​ចំហៀង​នៃ​រាងកាយ​
  • ​លើស​សម្ពាធ​ឈាម​។​

​ពេល​ដែល​ឈាម​កាន់តែច្រើន​ទៅៗ​បំពេញ​ក្នុង​ខួរក្បាល ឬ​មាន​ទំហំ​តូច​ចង្អៀត​រវាង​ខួរក្បាល និង​ឆ្អឹង​ក្បាល​រោគសញ្ញា​ផ្សេង​ទៀត​អាច​នឹង​លេច​ច្បាស់​ឡើងៗ​ដូចជា ៖

  • ​សន្លឹម​
  • ​ប្រកាច់​
  • សន្លប់​បាត់ស្មារតី​។​

​ចូរ​ស្វែងរក​ការព្យាបាល​ជា​បន្ទាន់​បន្ទាប់​ពី​មានការ​ប៉ះ​ទង្កិច​លើ​ក្បាល​៖

  • ​ការ​សន្លប់​បាត់បង់​ស្មារតី​
  • ​អ្នក​ធ្លាប់មាន​រោគសញ្ញា​ណាមួយ​ដែល​អាច​បង្ហាញ​ជា​សញ្ញា​នៃ​ការ​មាន​ឈាមកក​នៅក្នុង​ខួរក្បាល​។​

​បើទោះបីជា​រោគសញ្ញា​នៃ​ការ​មាន​ឈាមកក​នៅក្នុង​ខួរក្បាល​ប្រហែលជា​មិន​អាច​លេចឡើង​ច្បាស់​ភ្លាមៗ សូម​ពិនិត្យ​មើល​យ៉ាង​ដិតដល់​សម្រាប់​ការផ្លាស់ប្តូរ​ក្នុង​រាងកាយ និង​អារម្មណ៍ ជា​បន្តបន្ទាប់​។ ឧទាហរណ៍​ប្រសិនបើ​មាន​នរណា​ម្នាក់​ហាក់ដូចជា​មាន​ភាពល្អប្រសើ​រ​បន្ទាប់ពី ការ​ប៉ះ​ទង្កិច​ក្បាល ប៉ុន្តែ​បន្ទាប់​មក​បែ​ទៅ​ជា​សន្លប់​សូម​ស្វែងរក​ការព្យាបាល​ជំងឺ​ជា​បន្ទាន់​៕