ការឡើងត្រជាក់ដៃ បើទោះជាមិននៅក្នុងបរិយាកាសត្រជាក់ក៏ដោយ វាគឺជារឿងដែលគេជួបជាញឹកញាប់។ ការត្រជាក់ដៃ គឺជាផ្នែកមួយនៃការឆ្លើយតបរបស់រាងកាយដើម្បីគ្រប់គ្រងសីតុណ្ហភាពក្នុងខ្លួន ហើយមិនបណ្តាលអោយមានបញ្ហាគួរអោយព្រួយបារម្ភឡើយ។ ប៉ុន្តែប្រសិនបើអ្នកមានបញ្ហាត្រជាក់ដៃជាប់ជានិច្ច ជាពិសេសប្រសិនបើមានអមដោយការផ្លាស់ប្តូរពណ៌វាអាចជាសញ្ញាព្រមានមួយសម្រាប់អ្នក។
ឧទាហរណ៍ ការត្រជាក់ដៃបែបនេះ អាចមានន័យថាអ្នកមានបញ្ហាជាមួយនឹងសរសៃប្រសាទឬបញ្ហាប្រព័ន្ធឈាមរត់ ឬជាបញ្ហាជាមួយនឹងការខូចខាតជាលិកាដែលមាននៅក្នុងដៃឬម្រាមដៃ។ ប្រសិនបើអ្នកកំពុងនៅខាងក្រៅផ្ទះក្នុងអាកាសធាតុដ៏ត្រជាក់ខ្លាំង ហើយមានត្រជាក់ដៃអ្នកគួរតែពិនិត្យមើលសញ្ញាព្រមាននៃការរលាក ដោយអាកាសធាតុត្រជាក់ដទៃទៀត ដែលសញ្ញាទាំងនោះរួមមានដូចជា ត្រជាក់ជើងមានការផ្លាស់ប្តូរពណ៌ស្បែកនៅលើដៃទៅជាពណ៌ខៀវឬពណ៌ស ស្ពឹកឬមានអារម្មរណ៍ឈឺចាក់ឆៀបៗមានឡើងដំបៅ ឬមានពងបែក ឬស្បែកឡើងរឹតតឹងជាដើម៕