អាប់សែក្នុងតម្រងនោម ភាគច្រើនបង្កឡើងដោយសារបាក់តេរីដែលធ្វើដំណើរនៅក្នុងឈាម ឬដោយសារការឆ្លងមេរោគនៅលើផ្លូវបង្ហូរទឹកនោម បន្ទាប់មក ទើបរាលដាលទៅកាន់សរីរាង្គតម្រងនោម។ អាប់សែតម្រងនោម គឺជាជំងឺមួយដែលអាចកើតឡើងដោយសារបញ្ហាមួយចំនួនផងដែរ ដូចជាជំងឺរលាកតម្ររងនោម ជំងឺគ្រួសក្នុងតម្រងនោម និងជំងឺច្រាលទឹកនោមឡើងលើ។ ជួនកាល អាប់សែតម្រងនោម អាចវិវត្តមកពីប្រភពនៃការឆ្លងមេរោគនៅកន្លែងណាមួយនៃរាងកាយ ដូចជា កើតបូសនៅលើស្បែក និងការចាក់ថ្នាំញៀន ក៏អាចជាប្រភពនៃការកើតបូសតម្រងនោមផងដែរ។ ការឆ្លងមេរោគលើផ្លូវបង្ហូរទឹកនោម អាចជាប់ទាក់ទងជាមួយនឹងជំងឺគ្រួសក្នុងតម្រងនោម និងជំងឺទឹកនោមផ្អែមផងដែរ។ រោគសញ្ញានៃការកើតអាប់សែតម្រងនោម មានដូចជា៖
- ក្តៅខ្លួន
- គ្រុនញាក់
- ឈឺពោះ
- ស្រកទំងន់
- មានអារម្មណ៍ស្រពេចស្រពិល និងមិនស្រួលក្នុងខ្លួន
- នោមឈឺ
- ទឹកនោមអាចមានលាយឈាម៕