វីតាមីនដ៏សំខាន់បំផុត ដែលរាងកាយត្រូវការ ប្រើប្រាស់ជារៀងរាល់ថ្ងៃនោះ គឺវីតាមីន D។ ការកង្វះវីតាមីន D នឹងធ្វើឲ្យរាងកាយ មិនអាចសម្របសម្រួល ការបឺតស្រូបកាល់ស្យូម និងផូស្វ័រ ពង្រឹងប្រព័ន្ធភាពស៊ាំ បង្កើតឆ្អឹងកាន់តែរឹងមាំ សាច់ដុំ និងធ្មេញជាដើម។ បើគ្មានវិតាមីនមួយនេះទេ រាងកាយប្រឈមកាន់តែខ្លាំង នឹងការបង្ករោគ ដោយបាក់តេរី វីរុស ជំងឺក្រិនច្រើនកន្លែង និងជំងឺបេះដូងជាដើម។ ខាងក្រោមនេះ យើងខ្ញុំនឹងបង្ហាញអំពី អាការៈមួយចំនួន ដែលបញ្ជាក់ថា អ្នកកំពុងតែកង្វះវីតាមីន D។
បែកញើសជាប់រហូត
កង្វះវីតាមីន D នឹងធ្វើឲ្យអ្នក បែកញើសថ្ងាសជាប់។ នេះមានន័យថា អ្នកមិនបានទទួលវីតាមីន D គ្រប់គ្រាន់ពីចំណីអាហារទេ ហើយអ្នកក៏គួរតែដោះស្រាយវា ឲ្យបានលឿន តាមតែអាចធ្វើទៅបានដែរ។
អស់កម្លាំងភ្លាមៗ
អ្នកដែលខ្វះវីតាមីន D ក្នុងខ្លួនច្រើនតែមានអារម្មណ៍ថានឿយហត់ ទោះបីជាធ្វើការងារតិចតួចក៏ដោយ។ ដូច្នេះ អ្នកត្រូវតែទទួលទានវីតាមីន D កាន់តែច្រើន បើសិនជាអ្នកហាត់ប្រាណ និងយល់ថា ខ្លួនឯងអស់កម្លាំងកាន់តែខ្លាំង។
ខ្សោយឆ្អឹង និងសាច់ដុំ
ដើម្បីទទួលបានឆ្អឹងកាន់តែរឹងមាំ សាច់ដុំ និងឆ្អឹងមានសុខភាពល្អ អ្នកត្រូវតែទទួលទានវីតាមីន D ឲ្យបានគ្រប់គ្រាន់។ កង្វះវីតាមីន D នឹងបណ្តាលឲ្យធ្មេញ ឆ្អឹង និងសាច់ដុំចាប់ផ្តើមខ្សោយ ហើយក៏ពិបាក នឹងវិលមកសភាពដើមវិញដែរ។ ក្រៅពីនេះ អ្នកក៏មានអារម្មណ៍ថា អស់កម្លាំងជាប់ដែរ។
អារម្មណ៍មិនល្អ
អ្នកដែលកង្វះវីតាមីន D ក្នុងខ្លួន គឺមិនមានអារម្មណ៍ល្អឡើយ ដូច្នេះ ពួកគេពិតជាងាយ រងនូវបញ្ហាផ្លូវចិត្ត និងពិបាកចិត្តខ្លាំងណាស់៕
អាការៈដែលបញ្ជាក់ថា អ្នកមានបញ្ហាខ្វះវីតាមីន Dក្នុងខ្លួនហើយ
