ជំងឺប្រមេះទឹកថ្លា ត្រូវបានចាត់ទុកថា ជាផ្នែកមួយរបស់ជំងឺកាមរោគដែរ ព្រោះវាឆ្លងតាមការរួមភេទ។ អ្នកប្រហែលជាមិនដឹងខ្លួនថា កំពុងតែមានជំងឺប្រមេះទឹកថ្លាផង ព្រោះតែវាមិនមានបង្កជារោគសញ្ញាអ្វីឲ្យដឹង ដូចជា ឈឺនៅប្រដាប់ភេទ និងហូរទឹករំអិលពីក្នុងទ្វាមាស ឬលិង្គ។
ជំងឺប្រមេះទឹកថ្លា អាចកើតឡើងលើមនុស្សទាំងពីរភេទ និងគ្រប់វ័យទាំងអស់។ យ៉ាងណាមិញជំងឺនេះ មិនមានការពិបាកព្យាបាលនោះទេ នៅពេលអ្នកដឹងថាខ្លួនឯង កើតជំងឺនេះរួចហើយនោះ។ តែបើសិនជាមិនបានព្យាបាលទេ វាអាចនឹងបង្កជាបញ្ហាកាន់តែធ្ងន់ធ្ងរ ដល់សុខភាពទៀត។
ជំងឺប្រមេះទឹកថ្លា ដំណាក់កាលដំបូងច្រើនតែមិនមាន ឬមានរោគសញ្ញាតិចតួចរបស់វាដែរ។ នៅពេលចេញរោគសញ្ញា វាច្រើនតែចាប់ផ្តើម នៅក្នុងរយៈពេលមួយ ទៅពីរសប្តាហ៍ក្រោយពីឆ្លងរួច។ ទោះបីជាជំងឺនេះកើតឡើងក៏ដោយ ក៏វាច្រើនតែនាំឲ្យងាយយល់ថា មិនមានជំងឺដែរ។
អាការៈដែលអាចគិតថា អ្នកមានជំងឺប្រមេះទឹកបាយនោះ មានដូចជា ៖
- ឈឺចាប់ខ្លាំងពេលនោម
- ឈឺពោះផ្នែកខាងក្រោម
- ហូរទឹករំអិលតាមទ្វារមាស ឬលិង្គ
- ឈឺចាប់ខ្លាំងក្នុងពេលរួមភេទ
- ហូរឈាមក្នុងចន្លោះពេលមករដូវ និងក្រោយពីរួមភេទរួច
- ឈឺពងស្វាស។
ចូរស្វែងរកការពិគ្រោះ ជាមួយគ្រូពេទ្យទៅ បើសិនជាអ្នកមានអាការៈ ហូរទឹករំអិលពីទ្វារមាស ឬលិង្គ ឬមានការឈឺចាប់ក្នុងពេលនោម។ ជាមួយគ្នានេះដែរ អ្នកក៏គួរតែទៅជួបគ្រូពេទ្យដែរ បើសិនជាដៃគូរួមភេទអ្នក ដឹងថាពួកគេ មានជំងឺប្រមេះទឹកថ្លានេះហើយ៕