មិនពិបាកដោះស្រាយឡើយ! មុនក្នុងត្រចៀកមែនទេ? កុំរំលងអត្ថបទនេះ

បញ្ហាមុនក្នុងត្រចៀកមិនពិបាកនឹងដោះស្រាយឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិជួយព្យាបាលមុនក្នុងត្រចៀក ៖

១. ខ្ទឹមស

អ្វីដែលអ្នកត្រូវធ្វើ គឺគ្រាន់កម្ដៅខ្ទឹមសដែលបកសំបករួច ២កំពឹសជាមួយប្រេងល្ង ២ ស្លាបព្រាបាយដោយប្រើភ្លើងតិចៗ រហូតដល់ខ្ទឹមសប្រែជាខ្មៅ។ បន្ទាប់មកត្រងយកទឹកប្រេងល្ងនោះទុកឱ្យចុះត្រជាក់ ឬប្រែជាក្ដៅឧណ្ហៗ។ បន្ទាប់មកសឹមលាបប្រេងលើមុន និងរងចាំសម្រាប់រយៈពេលពី ២ ទៅ ៣នាទីជាការស្រេច។ អនុវត្តឱ្យបាន ២ដងក្នុងមួយថ្ងៃ។

២. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែប្រើប្រាស់ដុំសំឡីជ្រលក់ក្នុងទឹកខ្មេះផ្លែប៉ោម រួចលាបវាលើមុន។ រងចាំសម្រាប់រយៈពេលពី ១ ទៅ ២នាទី សឹមលាងសម្អាតចេញជាមួយទឹកធម្មតា។ អនុវត្តសារឡើងវិញឱ្យបានពី ៣ ទៅ ៤ដងក្នុងមួយថ្ងៃ។

៣. ប្រេងដើមតែ

អ្វីដែលអ្នកត្រូវធ្វើ គឺគ្រាន់តែលាយប្រេងដើមតែ ១ស្លាបព្រាកាហ្វេជាមួយទឹកធម្មតា ៩ ស្លាបព្រាកាហ្វេ។ កូរឱ្យសព្វ សឹមលាបប្រេងនេះលើមុនដោយប្រើប្រាស់ដុំសំឡី។ អនុវត្តឱ្យបានពី ២ ទៅ ៣ដងក្នុងមួយថ្ងៃ។

៤. ខ្ទឹមបារាំង

អ្វីដែលអ្នកត្រូវធ្វើ គឺគ្រាន់តែកាត់ខ្ទឹមបារាំងជា ២ រួចដាក់កម្ដៅសម្រាប់រយៈពេល ១នាទី រួចសឹមប្រើប្រាស់ក្រណាត់រុំខ្ទឹមបារាំងដែលកម្ដៅរួចនោះ។ ប្រើប្រាស់ខ្ទឹមបារាំងដែលក្ដៅឧណ្ហៗនោះស្អំលើមុន និងរងចាំរហូតដល់ប្រែជាត្រជាក់។ អ្នកក៏អាចកិនខ្ទឹមបារាំង រួចពូតច្របាច់យកទឹក ហើយលាបទឹកខ្ទឹមបារាំងស្រស់លើមុនជាការស្រេច។ អនុវត្តសារឡើងវិញឱ្យបានពី ២ ទៅ ៣ដងក្នុងមួយថ្ងៃ។

៥. ប្រេងអូលីវ

អ្វីដែលអ្នកត្រូវធ្វើ គឺគ្រាន់តែកម្ដៅប្រេងអូលីវឱ្យក្ដៅឧណ្ហៗ រួចដាក់ចូលឧបករណ៍សម្រាប់បន្តក់។ អ្នកអាចលាបប្រេងលើមុន ឬបន្តក់លើមុន។ អនុវត្តឱ្យបានពី ២ ទៅ ៣ដងក្នុងមួយថ្ងៃ។

៦. តែខ្មៅ

អ្វីដែលអ្នកត្រូវធ្វើ គឺគ្រាន់តែឆុងតែខ្មៅ ១ថង់តូចក្នុងទឹកក្ដៅ ១ពែងសម្រាប់រយៈពេល ១នាទី។ ត្រងថង់តែចេញ និងដាក់ស្អំលើមុន។ រងចាំសម្រាប់រយៈពេលពី ១០ ទៅ ១៥នាទី។ អនុវត្តឱ្យបាន ២ដងក្នុងមួយថ្ងៃ៕