រាជធានីភ្នំពេញ ៖ មូលហេតុទូទៅបំផុតនៃការមានបញ្ហាក្លិនមាត់ គឺការធ្វើអនាម័យមាត់ធ្មេញមិនបានល្អ ។ ប្រសិនបើអ្នកមិនដុសធ្មេញជារឿយៗ ប្រាកដណាស់ ធ្មេញអ្នកនឹងមានកកកំបោរស្តើងៗ ដែលបង្កទៅជាក្លិនមិនល្អ ហើយឈានដល់ការពុកធ្មេញ។ នេះបើតាមការពន្យល់របស់ទន្តពេទ្យ ណម ចំណាន ដែលមានជំនាញពត់ធ្មេញ និងសម្ជស្សមាត់ធ្មេញ នៃកម្មវិធី Tovpet (ទៅពេទ្យ) ដែលជាកម្មវិធីពិគ្រោះ និងព្យាបាលជំងឺអនឡាញ ។
ទន្តពេទ្យ ណម ចំណាន ពន្យល់បន្ថែមទៀតថា ថ្ងៃនេះយើងនឹងលើកយកវិធីសាស្រ្តងាយៗទាំង ៥ ដែលអាចធ្វើបាននៅផ្ទះដោយខ្លួនឯង ដើម្បីបំបាត់ក្លិនមាត់មិនល្អមានដូចខាងក្រោម ៖
១. តែបៃតង ៖ តែបៃតង គឺជាដំណោះស្រាយដ៏ល្អសម្រាប់ក្លិនមាត់មិនល្អ ។ ការស្រាវជ្រាវបានបង្ហាញថា តែបៃតងមានសារធាតុសម្លាប់មេរោគ និងកាត់ក្លិន ដែលអាចធ្វើឱ្យដង្ហើមស្រស់ថ្លាជាបណ្តោះអាសន្ន ។
វិធីសាស្រ្ត ៖ ឆុងតែបៃតងពីរពែងមុនពេលចូលគេង ហើយទុកវាចោលពេញមួយយប់នៅក្នុងទូរទឹកកក ។ ចាក់តែត្រជាក់របស់អ្នកចូលក្នុងដបទឹក ហើយយកវាទៅផឹកបន្តិចម្តងៗ ពេញក្នុងមួយថ្ងៃ ។
២. ទឹកក្រូច ៖ ផ្លែក្រូចមិនត្រឹមតែជាផ្លែឈើសម្រាប់សុខភាពល្អប៉ុណ្ណោះទេ ប៉ុន្តែវាថែមទាំងជួយលើកកម្ពស់អនាម័យមាត់ធ្មេញទៀតផង ។ មនុស្សជាច្រើនមានដង្ហើមមិនល្អ ពីព្រោះពួកគេមិនផលិតទឹកមាត់គ្រប់គ្រាន់ដើម្បីលាងសម្អាតបាក់តេរីដែលមានក្លិន ។ ការស្រាវ ជ្រាវបង្ហាញថា វីតាមីនសេជួយបង្កើនការផលិតទឹកមាត់ ដែលអាចជួយលុបបំបាត់ដង្ហើមមិនល្អ ។ ផ្លែក្រូចមានផ្ទុកវីតាមីននេះច្រើន ។
៣. សារធាតុស័ង្កសី ៖ អំបិលស័ង្កសី ដែលជាគ្រឿងផ្សំនៅក្នុងទឹកខ្ពុរមាត់ និងទំពារស្ករកៅស៊ូ អាចប្រឆាំងនឹងក្លិនមាត់មិនល្អ ។ ស័ង្កសីធ្វើការកាត់បន្ថយចំនួនសមាសធាតុស្ពាន់ធ័រនៅក្នុងដង្ហើមរបស់អ្នក ។ ការស្រាវជ្រាវបានបង្ហាញថា ការលាងសម្អាតជាទៀងទាត់ជាមួយនឹងផលិតផលដែលមានផ្ទុកស័ង្កសី អាចមានប្រសិទ្ធភាពក្នុងការកាត់បន្ថយដង្ហើមអាក្រក់បានយ៉ាងល្អ ។
វិធីសាស្រ្ត ៖ សាកល្បងទំពារស្ករកៅស៊ូ ដែលមានជាតិស័ង្កសី ឬក៏អាចទិញថ្នាំគ្រាប់ស័ង្កសី សម្រាប់លេបរៀងរាល់ថ្ងៃ ។
៤. ទឹកខ្មេះ ៖ ទឹកខ្មះមានអាស៊ីដធម្មជាតិហៅថា អាស៊ីដអាសេទិក ។ បាក់តេរីមិនងាយរស់នៅក្នុងបរិស្ថានដែលមានជាតិអាស៊ីដទេ ដូច្នេះទឹកខ្មេះអាចកាត់បន្ថយការលូតលាស់របស់បាក់តេរី ។
វិធីសាស្រ្ត ៖ បន្ថែមទឹកខ្មេះចំនួន ២ ស្លាបព្រាទៅក្នុងទឹក ១ ពែង ។ ខ្ពុរមាត់យ៉ាងហោចណាស់ ៣០ វិនាទីមុនពេលស្តោះទឹកចេញ ។
៥. ម្សៅ Baking Soda ៖ ការសិក្សាបានបង្ហាញថាម្សៅ Baking Soda ដែលត្រូវបានគេស្គាល់ថាសូដ្យូមប៊ីកាបូណាត អាចសម្លាប់បាក់តេរីនៅក្នុងមាត់បានយ៉ាងមានប្រសិទ្ធភាព ។ ការស្រាវជ្រាវបង្ហាញថា ថ្នាំដុសធ្មេញដែលផ្ទុកកំហាប់ខ្ពស់នៃម្សៅ Baking Soda មានប្រសិទ្ធភាពកាត់បន្ថយដង្ហើមមិនល្អ ។
វិធីសាស្រ្ត ៖ បន្ថែមម្សៅ Baking Soda ចំនួន ២ ស្លាបព្រាទៅក្នុងទឹកក្តៅឧណ្ឌៗ ១ ពែង។ ខ្ពុរនៅក្នុងមាត់របស់អ្នកយ៉ាងហោចណាស់ ៣០ វិនាទីមុនពេលស្តោះចេញ ៕
កំណត់សម្គាល់ ៖ អ្នកអាចទាញយកកម្មវិធី Tovpet ដើម្បីពិគ្រោះ និងធ្វើតេស្តជំងឺកូវីដ ១៩ ជាមួយគ្រូពេទ្យជំនាញ ដោយមិនបាច់ទៅកាន់មន្ទីរពេទ្យ តាមរយ: Link ខាងក្រោមនេះដោយឥតគិតថ្លៃ ៖
– App Store: https://apple.co/3vcDKG1
– Play Store: https://bit.ly/3tJGJpa
– Register here: https://tovpet.com/register
ទៅពេទ្យ (Tovpet) ជាកម្មវិធី ពិនិត្យ និងព្យាបាលជំងឺតាម អនឡាញ ឈានមុខគេនៅក្នុងប្រទេសកម្ពុជា ។