គ្រាប់ខ្នុរអាចយកទៅលីង ឬស្ងោរមុននឹងទទួលទានដែលគ្រាប់ផ្លែឈើនេះមានរសជាតិឆ្ងាញ់ជាប់មាត់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីជាឧស្សាហ៍ញ៊ាំប៉ុណ្ណាក៏ដោយ ក៏ភាគច្រើននៃពួកយើងប្រហែលជាមិនធ្លាប់ដឹងទេថា គ្រាប់ខ្នុរល្អអ្វីខ្លះចំពោះសុខភាព? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរញ៊ាំគ្រាប់ផ្លែខ្នុរ ៖
១. កាត់បន្ថយហានិភ័យនៃជំងឺខ្វះគ្រាប់ឈាមក្រហម
នេះក៏ព្រោះតែគ្រាប់ខ្នុរជាប្រភពដ៏ប្រសើរនៃជាតិដែកដែលសំខាន់សម្រាប់ការផលិតអេម៉ូក្លូប៊ីនបង្កើនកោសិកាគ្រាប់ឈាមក្រហម។ កម្រិតនៃជាតិដែកគ្រប់គ្រាន់ក្នុងរាងកាយអាចជួយកាត់បន្ថយហានិភ័យនៃជំងឺខ្វះគ្រាប់ឈាមក្រហមដោយសារកង្វះជាតិដែកនិងទប់ស្កាត់ជំងឺឈាមធ្ងន់ធ្ងរផ្សេងទៀតផងដែរ។
២. បំបាត់អាការៈទល់លាមក
នេះក៏ព្រោះតែគ្រាប់ផ្លែខ្នុរមានផ្ទុកសម្បូរទៅដោយជាតិសសៃ។
៣. ធ្វើឱ្យសុខភាពភ្នែកមានលក្ខណៈប្រសើរឡើង
គ្រាប់ខ្នុរក៏មានផ្ទុកវីតាមីន A ដែលជាសារធាតុចិញ្ចឹមល្អសម្រាប់រក្សាសុខភាពភ្នែកផងដែរ។ កង្វះវីតាមីន A អាចបង្កជំងឺងងឹតភ្នែកនៅពេលយប់។ ការរួមបញ្ចូលគ្រាប់ផ្លែឈើនេះក្នុងរបបអាហារប្រចាំថ្ងៃក៏ជួយកាត់បន្ថយហានិភ័យនៃជំងឺភ្នែកឡើងបាយនិងជំងឺខ្សោយភ្នែកដោយសារវ័យចំណាស់ផងដែរ។
៤. ល្អសម្រាប់សុខភាពសាច់ដុំ
ប្រូតេអ៊ីនក្នុងគ្រាប់ខ្នុរអាចជួយសម្រួលដល់ការលូតលាស់នៃសាច់ដុំ។ ដូច្នេះដើម្បីពង្រឹងសុខភាពសាច់ដុំ អ្នកគួររួមបញ្ចូលគ្រាប់ខ្នុរគួបផ្សំជាមួយអាហារសម្បូរប្រូតេអ៊ីនផ្សេងទៀតក្នុងរបបអាហារប្រចាំថ្ងៃ។
៥. ប្រយុទ្ធប្រឆាំងស្នាមជ្រីវជ្រួញ
សារធាតុប្រឆាំងអុកស៊ីតកម្មក្នុងគ្រាប់ខ្នុរអាចប្រឆាំងរ៉ាឌីកាល់សេរី។ ជាលទ្ធផលស្នាមជ្រីវជ្រួញត្រូវបានកាត់បន្ថយ។ អ្នកក៏អាចកិនគ្រាប់ខ្នុរ ១គ្រាប់ឱ្យម៉ដ្ឋបន្ទាប់មកលាយជាមួយទឹកដោះគោត្រជាក់ឱ្យក្លាយជាល្បាយខាប់ៗ រួចសឹមលាបលើស្បែកមុខ រងចាំរហូតដល់ស្ងួត សឹមលាងសម្អាតចេញជាមួយទឹកក្ដៅឧណ្ហៗ។ អនុវត្តឱ្យបានម្ដង ឬ២ដងក្នុងមួយថ្ងៃ។
៦. ធ្វើឱ្យស្បែកភ្លឺរលោង
អ្វីដែលអ្នកត្រូវធ្វើ គឺគ្រាន់កិនគ្រាប់ខ្នុរឱ្យម៉ដ្ឋ បន្ទាប់មកសឹមលាយជាមួយទឹកដោះគោនិងទឹកឃ្មុំឱ្យក្លាយជាល្បាយខាប់ៗ។ លាបល្បាយលើស្បែកមុខ រងចាំរហូតដល់ស្ងួត សឹមលាងសម្អាតចេញជាមួយទឹកក្ដៅឧណ្ហៗ។
៧. ជម្រុញការលូតលាស់សក់
វីតាមីន A ក្នុងគ្រាប់ខ្នុរជួយទប់ស្កាត់បញ្ហាសក់ផុយស្រួយ។ ជាតិប្រូតេអ៊ីនក៏ល្អសម្រាប់ពន្លឿនការលូតលាស់នៃសក់ផងដែរ។ រីឯជាតិដែកក្នុងគ្រាប់ខ្នុរអាចសម្រួលចរន្តឈាមរត់ទៅស្បែកក្បាល ហើយនេះជាអ្វីដែលធ្វើឱ្យសក់មានសុខភាពល្អ៕