ម្តាយគ្រប់រូបច្បាស់ជាទន្ទឹង និងចង់ដឹងគ្រប់សកម្មភាព និងរឿងរ៉ាវទាំងអស់ ដែលទាក់ទងនឹងកូនរបស់ខ្លួន ដើម្បីត្រៀមខ្លួន និងស្វែងយល់ពីវា ឲ្យបានដឹតដល់។
យ៉ាងណាមិញ ថ្ងៃនេះ គេហទំព័រសុខភាពយើងខ្ញុំ នឹងបង្ហាញនូវគន្លឹះថ្មីមួយទៀត នៅពេលដែលកូនរបស់អ្នក ចាប់ផ្តើមដុះធ្មេញ។
តើកូនរបស់អ្នក អាចនឹងដុះធ្មេញ នៅអាយុប៉ុន្មានទៅ?
ក្មេងភាគច្រើន ដុះធ្មេញដំបូង នៅអាយុប្រហែលជា ៦ ខែ ប៉ុន្តែ វាអាចយឺតជាងនេះ ៣ ខែ ឬរហូតដល់គេ មានអាយុ ១៤ ខែក៏មានដែរ។
ធ្វើម៉េចទើបដឹងថា កូនរបស់អ្នក ចាប់ផ្តើមដុះធ្មេញ?
ជាការពិត អ្នកអាចនឹងដឹងលឿនបន្តិច ប្រសិនបើកូនរបស់អ្នក ចាប់ផ្តើមដុះធ្មេញ។ មុនពេលដុះចេញជាធ្មេញ កូនរបស់អ្នកអាចនឹងរមាស់មាត់ ហើយចេះតែចង់ខាំនេះ ខាំនោះជាដើម។
ខាងក្រោមនេះ គឺជារយៈពេល និងការដុះធ្មេញ ចំពោះក្មេងៗមួយចំនួន ៖
• ៦ ខែ ៖ ធ្មេញក្រោមកណ្តាល
• ៨ ខែ ៖ ធ្មេញលើកណ្តាល
• ១០ ខែ ៖ ធ្មេញលើ និងក្រោម សងខាង
• ១៤ ខែ ៖ ធ្មេញថ្គាមដំបូង
• ១៨ ៖ ធ្មេញចង្កូម
• ២៤ ខែ ៖ ធ្មេញថ្គាមទីពីរ៕