Join with Health.com.kh on Telegram

បណ្ណាគារ ឬ​បណ្ណាល័យ
ទី​នេះ ជា​ថ្នាល​បណ្តុះ​ការ​អាន និង​ការ​ស្រឡាញ់​សៀវភៅ​។ អ្នក​គួរតែ​នាំ​កូន ទៅ​កាន់​កន្លែង​នេះ ឲ្យ​បាន​ញឹកញាប់ ហើយ​មិន​គួរ​ប្រញាប់​មក​វិញ​ទេ គួរតែ​ចំណាយពេល​ឲ្យ​បាន​ច្រើន​បន្តិច ដើម្បី​ឲ្យ​គេ​ដើរ​មើលសៀវភៅ និង​អាន​សៀវភៅ​នៅ​ទីនោះ​។

សួនច្បារ ឬ​កន្លែង​ធម្មជាតិ
វា​ជា​កន្លែង ដែល​អាច​ឲ្យ​កូន​របស់​អ្នក ទទួល​បាន​ធម្មជាតិ និង​ភាព​ស្រស់បំព្រង​។ ក្មេង​ៗ​ដែល​ស្រឡាញ់​ធម្មជាតិ ដើមឈើ ដើម​ផ្កា ធំ​ឡើង​ភាគច្រើន ជា​មនុស្ស​មាន​សុទ្ធិ​និយម ហើយ​ចូល​ចិត្ត​គិត​អ្វី​ក្នុង​ផ្លូវ​ល្អ​។

កន្លែង​ក្មេង​លេង
ក្មេង​ណា ក៏​ចូល​ចិត្ត​កន្លែង​នេះ​ដែរ ពីព្រោះ វា​អាច​បំបាត់ទុក្ខ​កង្វល់ ហើយ​អាច​រាប់អាន​មិត្តភក្តិ​បាន​។ ទី​នេះ​នឹង​ជួយ​ឲ្យ​កូន​អ្នក មិនសូវ​ខ្លាច​គេ ហើយ​ក្លាហាន​ទៀត​ផង​។

កន្លែង​លេង​កីឡា
វា​ជា​កន្លែង ដែល​ជួយ​ឲ្យ​កូន​របស់​អ្នក ស្រឡាញ់​សុខភាព តាម​រយៈ​ការ​ហាត់​កីឡា​។

បរទេស
បទ​ពិសោធន៍​ក្នុង​ប្រទេស មិន​គ្រប់គ្រាន់​នឹង​ឲ្យ​កូន​របស់​អ្នក រីក​ចម្រើន ហើយ​ពូកែ​នោះ​ទេ ដូច្នេះ បើ​អាច គួរតែ​នាំ​គេ ដើរ​មើល​ស្ថានភាព​ប្រទេស​គេ​ផង​៕